2018-ի մայիսի 9-ից մինչև 2020-ի հունվարի 31-ը ՀՔԾ-ում ստացել են 212 միլիոն 766.6 հազար դրամ պարգևավճար

Հատուկ քննչական ծառայության աշխատակիցներին տրամադրված պարգևավճարների ընդհանուր չափը 2018 թ. մայիսի 9-ից մինչև 2020 թ. հունվարի 31-ն ընկած ժամանակահատվածում կազմել է 212 միլիոն 766.6 հազար դրամ կամ մոտ  446 հազար դոլար:  Այս մասին ի պատասխան Yerkir.am-ի գրավոր հարցման՝ հայտնել են ՀՔԾ-ից:  

Աղբյուրը նշում է, որ ՀՀ վարչապետի 2018 թվականի հունիսի 11-ի որոշմամբ սահմանվել է Հատուկ քննչական ծառայության աշխատողների առավելագույն թվաքանակը՝ 96 հաստիք, ինչից հետեւում է, որ ՀՔԾ-ում ամսական պարգևավճարների թիվը կազմում է ավելի քան 21.000 դոլարին համարժեք դրամ կամ, յուրաքանչյուր աշխատակցի հաշվարկով, շուրջ 220 դոլար:

Կայքը հիշեցնում է, որ նույն շրջանում ՀՀ դատախազության աշխատակիցներին տրամադրված պարգևավճարների ընդհանուր չափը կազմել է 1 միլիարդ 276 միլիոն 561.050 հազար դրամ  կամ մոտ 2 միլիոն 676 հազար դոլար, որն ամսական կտրվածքով կազմում է 127.500 դոլար կամ, յուրաքանչյուր աշխատակցի հաշվարկով (653 աշխատակիցներ), շուրջ 200 դոլար: