ՄԻՊ-ը Ստրասբուրգում հանդիպում է ունեցել ԵԽ-ի գլխավոր քարտուղարի հետ

Քննարկված հարցերից են, մասնավորապես, դատաիրավական բարեփոխումները Հայաստանում, խոշտանգումների դեմ պայքարն ու կանխարգելումը, փակ հաստատություններում վատ վերաբերմունքի կանխարգելումը և Մարդու իրավուքների պաշտպանի գործունեությունն այս ոլորտում:

Առանձին անդրադարձ եղավ զինված ուժերում մարդու իրավունքների պաշտպանությանը, զինծառայողների ընտանիքների իրավունքներին, զինված ուժերում կանանց դերի բարձրացմանը: Ինքս բարձր գնահատեցի Մարդու իրավունքների պաշտպանի և Պաշտպանության նախարարության գործընկերությամբ Եվրոպայի խորհրդի կողմից Հայաստանում իրականացվող ծրագիրը:

Եվրոպայի խորհրդի Մարդու իրավունքների և իրավունքի գերակայության գլխավոր տնօրինությունը Քրիստոս Ջիակոմոպուլոսի գլխավորությամբ անգնահատելի կարևոր դեր այս ծրագրերի ու Մարդու իրավունքների պաշտպանի հետ համատեղ աշխատանքի հարցում:

Քննարկվել ենկանանց ու երեխաների իրավունքներին, նրանց նկատմամբ բռնության կանխարգելմանը, հասարակությունում կանանց շարունակական ներգրվամանը վերաբերող հարցեր: Այստեղ ընդգծեցի Մարդու իրավունքների պաշտպանի համագործակցությունը Եվրոպայի խորհրդի Ժողովրդավարության հարցերով գլխավոր տնօրինության հետ Սնեժանա Սամարջիչ-Մարկովիչի գլխավորությամբ:

Քննարկվել են նաև սոցիալական մեդիայում վիրավորող և արժանապատվությունը նվաստացնող խոսքին վերաբերող խնդիրներ, հանրային իրազեկումների ուղղությամբ իրականացվող աշխատանքները:

Կարևորվել է համատեղ աշխատանքը Եվրոպայի խորհրդի երևանյան գրասենյակի պրոֆեսինալ թիմի հետ: Կարևոր է նաև մեր աշխատանքը Եվրոպայի խորհրդի Մարդու իրավունքների հանձնակատար Դունյա Միյատովիչի և Ծրագրերի հարցերով գլխավոր տնօրինության հետ Վերենա Թեյլորի գլխավորությամբ:

Գլխավոր քարտուղարը կարևորել է Եվրոպայի խորհրդի համագործակցությունը Մարդու իրավունքների պաշտպանի հետ և բարձր գնահատեց Մարդու իրավունքների պաշտպանի դերը մարդու իրավունքների պաշտպանության ու երկրի իրավունքների պաշտպանության համակարգի կատարելագործման հարցում: