Գրանցվեց 2020-ի ընտանեկան բռնության 3-րդ զոհը․ Համազասպ Դանիելյանը՝ Գյումրիում տեղի ունեցած դաժան սպանության մասին (տեսնայութ)
ՔաղաքականՀՀ ազգային ժողովի «Իմ քայլը» խմբակցության պատգամավոր Համազասպ Դանիելյանը բռնությունը և, հատկապես, ընտանեկան բռնությունն արմատախիլ անելու համար ոստիկանության, դատախազության դերը վերաիմաստավորելու կարիք է տեսնում:
Պատգամավորը նման տեսակետ հայտնեց ԱԺ-ում իր ելույթում՝ անդրադառնալով Գյումրիում կնոջ և նրա անչափահաս աղջկան ծեծի ենթարկելու դեպքին:
«Երեկ Հայաստանում գրանցվել է հերթական զոհը՝ ընտանեկան բռնության: Գյումրիում ծեծի ենթարկվելուց և, ըստ դատախազության տվյալների, 8 ժամ այդ վիճակում մնալուց հետո հայտնաբերվել է կնոջ դի, իսկ նրա 13-ամյա աղջիկը ծանր մարմնական վնասվածքներով տեղափոխվել է հիվանդանոց»,-ասաց նա:
Պատգամավորը շեշտեց՝ բռնությունն ընտանիքում անթույլատրելի է և խարխլում է այդ կարևոր ինստիտուտի նկատմամբ վստահությունը:
«Ընդամենը երկու օր հետո մեզանից շատերը Մարտի 8-ը կնշեն, ծաղիկներ կնվիրեն կանանց, փուչիկներ՝ երեխաներին, կենացներ կասեն, մինչդեռ շատ ավելի կարևոր է, որ մենք հասկանանք, որ մեր՝ քաղաքացիների, պատկան մարմինների, ոստիկանության, դատախազության դերը պետք է վերիամաստավորվի, որ նման դեպքեր այլևս տեղի չունենան, և բռնությունը իրապես արմատախիլ արվի մեր հասարակությունից»,-ասաց նա:
ՈՒՂԻՂ ԵԹԵՐ
Ամենադիտված 
Եկեղեցու դեմ արշավին միացած մոլի նիկոլականը, պարզվում է. Ռոսիա մոլի աշխատակից է
