Արթնացա ու շատ անհանգստացա՝ տեսնելով ընկերներիս՝ ինձ պաշտպանելու փորձը. Սոֆյա Հովսեփյան

Ազգային Ժողովի պատամավոր Սոֆյա Հովսեփյանը իր ֆեյսբուքյան էջում գրել է.

«Արթնացա ու շատ անհանգստացա՝ տեսնելով բոլոր ընկերներիս սրտացավ գրառումներն ու ինձ պաշտպանելու փորձը, որի համար շնորհակալ եմ և ներողամտությունն եմ ձեր հայցում :

Ընկերներ ջան , գիտեք , ինչո՞ւ եք դուք ինձ հասկանում, իսկ հասարակության մի շերտ կա , որ ոչ և բացի այն որ չի հասկանում , այլ պատրաստ է ինձ «հանել խարույկին», որովհետև միասին ենք եղել այն բոլոր փորձություններում , որտեղ մարդը հայտնվել է դժվարին իրավիճակում ու դուրս ենք բերել ինքնազոհության ու «ինքնավնասման» (մոռանալով սեփական անձի պաշտպանումը , նետվել այլոց փրկելու , այս իմաստով ) հաշվին , մինչ դեռ որոշները անգամ մեղադրվել են և այդ ընտանիքին և մեզ , բայց իրենց դերը չեն տեսել որևէ տեղ : 

Չեմ նեղանում , ավելին չեմ էլ անդրադառնա իրենց , բայց մտահոգություններս կկիսեմ հենց ձեր հետ , քանի որ գիտեմ այդ խնդիրը էլի ձեր միջոցով եմ լուծելու ու դուք կհասկանաք այն վտանգը , որի մասին խոսում եմ:
Մարդկանց մի խումբ կա , որ հասարակությաննը ոչ ֆորմալ առումով բաժանել է չորս մասի ՝ զոհ , բռնարար, պաշտպան , անտարբեր:(ընդգծվածները) 
#Զոհ- միշտ ասոցացվում է կնոջ հետ , ցավոք , որտեղ իմ մարդկային արժանապատվությունը ոտնահարվում է և ես ինձ երբեք զոհ չեմ համարում և վտանգը այնտեղ է , որ միշտ ինչ էլ անես ճիշտը դու ես, քանի որ կին ես: Սա բերելու է աղետալի մի վիճակի , որ կինը մի օր հասկանալով , որ ինչ էլ անի ճիշտը ինքն է , կորցնելու է նաև իր երեխայի նկատմամբ պատասխանատվության զգացումը(նշում եմ ինձ համար ամենացավոտ օրինակը ՝ երեխան) : 
#Բռնարար- միշտ ասոցացվում է տղամարդու հետ , որտեղ կրկին արժանապատվությունս է վիրավորվում , քանի որ ես բախտավոր եմ և շրջապատիս ոչ մի անկյունում նման տղամարդ չեմ տեսնում : Այս պարագայում տղամարդը ինչ էլ անի , մեկ է՝ մեղավոր է , եթե անգամ փողոցով անցնի ու տեսնի , որ մի կին երեխային ծեծում է , էլի մեղավորը տղամարդն է , քանի որ չի պաշտպանում երեխային ՝ այդ պահին հուզված կնոջից : (Սարսափելի օրինակ է , երբ մայրը երեխային գցել է աղբաման , բայց մեղավորը հայրն է , քանի որ «տեսնեիս ինչ օրի է հասցրել խեղճ աղջկան »: Հետևեք դատավարությանը )
#Պաշտպանող - սա ինձ համար ամենավտանգավոր հատվածն է , քանի որ հիմնականում ոլորտից դուրս մարդիկ են , ովքեր զուտ իրենց աշխարհայացքով , մտահորիզոնով ու ոչ մասնագիտական կարծիքով կռիվ են տալիս : Այս մարդիկ պատրաստ են հոշոտել բոլորին ՝ քանի որ իրենք պաշտպանում են «զոհ»-ին՝ անտեսում են նաև այն , որ իրենց հոշոտման օբյեկտը կրկին «զոհի» սեռից է , դա կարևոր չի իրենք նրան համարում են՝ դահիճ , հիմար , անբարոյական , ծաղրում ու ծիծաղում , վառում ու քամուն տալիս : 
#Անտարբեր էս խմբի համար էլ իր մեղքը կա , ինչու ոչինչ չարեց , վատն է , քանի որ ...

Այստեղ իմ ամենամեծ մտահոգությունը «ԶՈՀ»ն է , քանի որ ինչպես նկատում եմ , տարեց տարի մենք դատապարտում ենք լինելու ամեն ինչ ՝ չկրելով պատասխանատվություն անգամ սեփական անձի անվտանգության համար ՝ անգամ , եթե ամենավատը(մահ) եղավ ապա ԿՍՐԲԱԴԱՍՎԵՍ , իսկ եթե ոչ, գոնե միշտ ճիշտ էս: Սա թվում է , թե պետք է ինձ համար շահավետ լինի , որպես կին ,որպես ապագա մայր , որպես քույր , բայց ո՛չ, ես չեմ ցանկանում հասարակության «պաշտպանության» հաշվին լինել անպատասխանատու: 
Մի տեսակ շատ երկար ստացվեց , ներեցեք ձեր ժամանակը խլելու համար , բայց խոստանում եմ այս թեմային այլևս չանդրադառնալ , քանի որ իմ անդրադարձը ինձ չի վնասում , այլ իմ շրջապատին , իսկ ես հոգ եմ տանում նաև իմ շրջապատի համար : 
Մենք անելիք ունենք սիրելի ընկերներ ջան, ովքեր իմ մտահոգության հետ համաձայն են , այլապես մի օր ձեր նման պարկեշտ մարդիկ դառնալու են բռնարար կամ զոհ : 
Սիրելի կանայք , երբեք չտրվեք նման գայթակղությանը , քանի որ դուք չեք կարող լինել զոհ և այն որակները որոնք ի վերուստ են ձեզ տրված , բավարար է լինելու և կին , և մայր , և տնային տնտեսուհի , և պատգամավոր ու ծանրամարտիկ , և նկարիչ ու խաչքարագործ և փայտահատ ու գյուղատնտես և այս ամենի հետ չկորցնել արժանապատվությունը : 
Կրկին շնորհակալ եմ իմ ազնիվ ու սիրելի ընկերներ ջան , ես միշտ պաշտպանելու եմ ձեր տեսակետները , ինչպես այսօր դուք եք պաշտպանում ինձ , քանի որ մեր մղումներն արդար են և միտված են պետության ամրացմանը : #ՄենքՈՒժեղԵնքՄիասին 
Առողջություն բոլոր բալիկներին ...»: