Սամվել Մայրապետյանին կալանավորելու որոշում կայացվեց

Քիչ առաջ Երևանի ընդհանուր իրավասության դատարանը դատավոր Արտուշ Գաբրիելյանի նախագահությամբ քիչ առաջ գործարար Սամվել Մայրապետյանին կալանավորելու որոշում կայացրեց։ Վերադառնալով խորհրդակցական սենյակից` դատավորը այդպիսով բավարարեց նախաքննական մարմնի միջնորդությունը։

Հիշեցնենք՝ մարտի 3-ին Մայրապետյանի նկատմամբ հետախուզում էր հայտարարվել և միջնորդություն էր ներկայացվել դատարան վերջինիս կալանավորելու համար։ Նշենք, որ ՀՔԾ-ն անցած տարի Մայրապետյանին բուժման նպատակով թույլատրվել էր մեկնել արտերկիր, սակայն վարույթն իրականացնող մարմնի կանչով վերջինս չի ներկայացել:

Գործարարը մեղադրվում է 7 միլիոն դոլար կաշառք ստանալուն օժանդակելու մեջ: Իշխանափոխությունից հետո գործարար Սիլվա Համբարձումյանն էր հայտարարել և պնդել, որ երկրորդ նախագահ Քոչարյանի մերձավոր գործարարներից Մայրապետյանին տարիներ առաջ 7 միլիոն դոլար է տվել, որպեսզի վերջինս էլ այն փոխանցի Ռոբերտ Քոչարյանին, Սերժ Սարգսյանին և Արմեն Գևորգյանին։

Սամվել Մայրապետյանը ձերբակալվել էր 2018 թվականի հոկտեմբերի 6-ին, երեք օր անց դատարանը բավարարել էր նրան կալանավորելու միջնորդությունը։ Դեկտեմբերի 27-ին Մայրապետյանը 30 միլիոն գրավով ազատ էր արձակվել կալանքից՝ հաշվի էր առնվել նրա առողջական վիճակը: Նրա փաստաբանները պնդում էին, որ Մայրապետյանն առողջական խնդիրներ ունի և որ պետք է վիրահատվի Գերմանիայի Դրեզդեն քաղաքում։