Ինչպե՞ս չվիրավորվես այս կնոջ ասածից. Անահիտ Բախշյանը՝ Լարա Ահարոնյանի գրառման մասին
Բլոգոսֆերա
Հոկտեմբերի 27-ի գործով սպանված խորհրդարանի նախկին փոխխոսնակ Յուրի Բախշյանի այրի Անահիտ Բախշյանը ֆեյսբուքյան իր էջում գրում է.
«Ինչպե՞ս չվիրավորվես այս կնոջ ասածից, ինչպե՞ս չասես՝ տիկին Լառա, եթե սեփական տունդ եթե քեզ համար վտանգավոր է, մի՞թե այդտեղից հետևում է, որ մնացած կանանց համար էլ է նման որակումը ճիշտ, ինչպե՞ս կարող եք նման ընդհանրացումներ անել, հանուն ինչի՞ եք անում նման տգեղ ու անհիմն հայտարարություններ, ի՞նչ եք ուզում սրանով ասել, որ Հայաստանում կանայք համատարած բռնությա՞ն են ենթարկվում, ուզում եք ասել հայ տղամարդիկ բոլորը բռնարարնե՞ր են, որ կանանց իրավունքները չե՞ն պահպանվում։
Ո՛չ, ոչ մի կետում չեմ կիսում Ձեր կարծիքը ու բոլորովին համամիտ չեմ Ձեր որակման հետ։
Իմ ՈՉ-ից չի հետևում, թե չկան նման երևույթներ, իհարկե կան, որովհետև մեր երկրում դեռևս ցանկացած բռնարարք չի ստանում իր համարժեք պատիժը, անպատժելիությունն է ծնում նոր բռնարարքներ, որոնց ենթարկվում են թե՛ կանայք, թե՛ երեխաները, թե՛ տղամարդիկ, բայց այդ երևույթների դեմ պայքարի Ձեր ընտրած ճանապարհը ոչ մի տեղ տանող ճանապարհ է, այսօր էլ կան բռնությունները դատապարտող օրենքներ, բայց դրանց թիվը չի պակասում, որովհետև մենք մեր հասարակությանը չենք կրթում ու չենք կարևորում ՄԱՐԴՈՒ ԻՐԱՎՈՒՆՔՆԵՐԸ այլ՝ հատկապես ԿԱՆԱՆՑ ԻՐԱՎՈՒՆՔՆԵՐԸ, բոլորից չենք պահանջում պատասխանատվություն ստանձնել իրենց արարքների համար ու հավասարապես պատժել մեղավորին, լինի կին, թե՝ տղամարդ։
Դուք Ձեր այս գրառմամբ արհամարհում եք ԸՆՏԱՆԻՔԻ ԻՆՍՏԻՏՈՒՏԸ, շատ վատ օրինակ եք ծառայում երիտասարդների համար։ Անչափ հիասթափվեցի»:
Նշենք, որ «Քաղաքացիական Պայմանագիր» կուսակցության հոգաբարձուների խորհրդի անդամ Լարա Ահարոնյանն իր ֆեյսբուքյան էջում գրել է.
«Կնոջ համար Հայաստանում ամենավտանգավոր տեղը ոչ թե սահմանն է, կամ օտար ամայի փողոցները, այլ իր տունը...պատկերացնում է՞ք, կանայք ամենաշատ անապահով են իրենց տան մեջ: #կնասպանություն #ընտանեկանբռնություն #կնամեծարԱզգ»:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
