«ԼԳԲՏ աղանդավոր շարժումը հոմոֆոբ է պիտակում նույնիսկ անչափահաս երեխային»

Բժիշկ Նարինե Ներսիսյանն իր ֆեյսբուքյան էջում գրել է․ 

«Երեկ մի ծնող էր դիմել։ Բերել էր ահավոր ընկճված վիճակում գտնվող իր դեռահաս աղջկան։ Դպրոցում նրան հոմոֆոբ են պիտակավորել ու հիմա նա մերժված է զգում մի խումբ` իր կողմից թանկ գնահատված դասարանցիների կողմից։ Դպրոցի և աղջկա անունը չեմ նշում սեքսոլոգիական ծառայության գաղտնիության պահպանման սկզբունքից ելնելով։

Ի՞նչ է նշանակում ՀՈՄՈՖՈԲ։

Այս բառը հնարել են ԼԳԲՏ աղանդավորները։ Սույն աղանդավոր շարժումը հոմոֆոբ է պիտակում ցանկացած մեկին` այդ թվում անչափահաս երեխային, ով հայտնում է իր մարդասիրական դիրքորոշումն առ այն, որ աղջիկ-աղջիկ, տղա-տղա հարաբերության մեջ չկա սեռային-սեքսուալ բաղադրատարր, համոզված է, որ աղջիկը աղջկա, տղան տղայի հետ կարող է ընկերություն անել առանց սեռային-զգացական հետին մտքերի և գտնում է, որը սերը նույն սեռի ներկայացուցիչների միջև սեռային-սեքսուալ ՉԷ։

Աղջկա այն պնդումը, որ ինքը սիրում է իր ընկերուհուն առանց նրա հանդեպ սեքսուալ ցանկություններ տածելու, հուզական խորը մտերմություն է զգում առանց գրգռվելու, արժանացել էր խիստ բացասական վերաբերմունքի սույն խմբավորման կողմից։ Հիմա նա ամեն օր ենթարկվում է ծաղրանքի, բուլինգի, շրջապատված է ատելությամբ։

Իրեն լեսբուհի նույնականացնել չուզենալը, հոմոֆոբ պիտակին արժանանալը սույն աղջնակի կյանքը դարձրել է դժոխք։ Նա իրեն զգում է ամենավերջին մարդատյացը, ունի ավելորդության զգացում, ապրում է խարանվածի կյանքով։

Ինձ այցելելու նախորդ օրը աղջիկը մորը հայտնել էր, որ այլևս չի ուզում դպրոց գնալ։ Մայրը փորձել էր հասկանալ ինչ է կատարվում, աղջիկն անկարող լինելով արտահայտվել, սկսել էր ուժգին լաց լինել։

Այս մասին բարձրաձայնելով, ես փորձում եմ զգուշացնել սարսափելի մի երևույթի մասին, որը վիրուսի պես սկսել է տարածվել նաև մեր հասարակության մեջ ու արդեն հասել է անչափահաս երեխաներին։

ՀՈՄՈՖՈԲ պիտակի կիրառմամբ, ԼԳԲՏ-աղանդավորները փորձում են խեղճացնել, մեկուսացնել, լռեցնել այն մարդկանց, ովքեր իրենց աղանդավոր շարժմանը խոչընդոտ և պոտենցիալ վտանգ են հանդիսանում։

Այդ բառի մարդատյաց բովանդակության միջոցով նրանք փորձում են խարանվածներին հոգեբանական ճնշման տակ պահել և ընդհանուր մթնոլորտ ձևավորել, որտեղ իրենք զոհ են, իսկ խարանվածները` բռնարար։

Ինչպես գիտեք, զոհի հանդեպ ցանկացած նորմալ մարդ տածում է կարեկցանքի, սիրո և ջերմության զգացում, իսկ բռնարարի հանդեպ` ատելության և թշնամանքի։ Այսպիսով, Հոմոֆոբ պիտակվածները հասարակական գիտակցության մեջ ասոցացվում են բռնարարների, իսկ ԼԳԲՏ-աղանդավորները` զոհերի հետ։

Սա նենգ հոգեբանական մանիպուլյացիա է, որի զոհը դարձել էր ինձ դիմած ծնողի դուստրը։ Միայն այն պատճառով, որ նա հավատում է աղջիկ-աղջիկ մաքուր սիրուն, հոգեհարազատ ընկերությանը, նա հիմա դուրս է մնացել ընկերական շրջապատից ու ճանաչվել է Persona non Grata»,- գրել է նա: