Դատարանը հեռացավ քննարկելու Արմեն Թավադյանի խափանման միջոցի հարցը
Իրավունք
Վերաքննիչ քրեական դատարանը հեռացավ խորհրդակցական սենյակ՝ քննարկելու «5-րդ ալիքի» սեփականատեր Արմեն Թավադյանի խափանման միջոցի հարցը. որոշումը կհրապարակվի այսօր՝ մարտի 11-ին։
«Բողոքի քննությունն ավարտվեց։ Մենք ներկայացրինք մեր դիրքորոշումը, դատախազությունն իր առարկությունը։ Հայտարարություններով հանդես եկանք ու դատարանը գնաց խորհրդակցական սենյակ։ Որոշումը կհրապարակվի օրվա վերջ, հստակ ժամ սահմանված չէ»,- լրագրողների հետ զրույցում ասաց Թավադյանի պաշտպա Արամ Օրբելյանը։
Նշենք, որ Թավադյանի գործով նախաքննությունն ավարտվել է, դեռեւս մեղադրական եզրակացությունը չի կազմվել։
Հիշեցնենք, որ Արմեն Թավադյանը կալանավորվել է ՀՀ երկրորդ նախագահ Ռոբերտ Քոչարյանի աջակից ներկայացող Վարուժան Մկրտչյանի կողմից, ըստ Ոստիկանության տեսանյութի, «Մարտի 1-ի» գործով տուժողին ցուցմունքից հրաժարվելու առաջարկ անելու գործով։
Նրան կալանավորել են ՀՀ քրեական օրենսգրքի 340-րդ հոդվածի 4-րդ մասի 1-ին կետով նախատեսված (Սուտ ցուցմունք, կեղծ եզրակացություն տալու կամ սխալ թարգմանության համար կաշառելը կամ հարկադրելը) հանցավոր արարք կատարելու կասկածանքով:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
