«Վարակի ձեռքերում»․ մեր որ սովորությունն է նպաստում վիրուսի տարածմանը

Առողջապահության համաշխարհային կազմակերպության մասնագետները վիրուսային ցանկացած վարակի կանխարգելման համար, ներառյալ COVID-19- ը, խորհուրդ են տալիս ավելի քիչ շփվել ուրիշների հետ, դիմակներ կրել, ավելի հաճախ լվանալ ձեռքերը և փորձել չդիպչել դեմքին: Բայց, ինչպես պարզվեց, վերջինը գործնականում անհնար է: Բերանը, քիթը և աչքերը անընդհատ շոշափելը մարդու համար բնազդային վարք է:

Ամերիկացի հետազոտողների աշխատությունների համաձայն ՝ նոր SARS-CoV-2 կորոնավիրուսը ապրում է օդում մի քանի ժամ, իսկ որոշ մակերեսների վրա՝ մի քանի օր։ Մասնավորապես, պղնձի վրա այն գրեթե չորս ժամ է ապրում, մեկ օր՝ ստվարաթղթի, և երկու-երեք օր՝ պլաստիկի ու չժանգոտվող պողպատի վրա:

Հետևաբար, պարզապես դիպչելով որոշակի օբյեկտի՝ վարակը ձեռք բերելու հավանականությունը բավականին մեծ է, հատկապես, եթե միևնույն ժամանակ նույն ձեռքերով դիպչեք աչքերին, քթին կամ բերանին, գրում է ria.ru֊ն:

Ավստրալացի գիտնականների խոսքով՝ նույնիսկ բժշկական համալսարանի ուսանողները, ովքեր տեղյակ են այս վտանգների մասին, իրենց դեմքին դիպչում են ժամում 23 անգամ՝ բերանին, այտերին ու կզակին` ժամում 4 անգամ, քթին և աչքերին՝ 3 անգամ, ականջներին ու այտերին՝ 1 անգամ: Մեկ հպման միջին տևողությունը 3 վայրկյան է: Այլ աղբյուրների համաձայն, մարդիկ դեմքին դիպչում են ժամում 15,7 անգամ: Ինչ էլ որ լինի, միայն դեմքին դիպչելը բավական է, որպեսզի վիրուսը թափանցի օրգանիզմ։

Զգո՛ն եղեք։

Այս թեմայով Կորոնավիրուսի ժամանակ 829 կեղծ պատմագրի հիման վրա ԱՆ–ից հափշտակվել է 263 մլն 480 հազար դրամ Հունաստանում COVID-ի դեպքերի աճի պատճառով՝ խորհուրդ է տվել նորից դիմակներ կրել ՀՀ-ում կորոնավիրուսի շտամներ են շրջանառվում Աշխարհում ավելացել է COVID-19-ով հիվանդացության դեպքերի թիվը Սպիտակ տանը զգուշացրել են ԱՄՆ-ում կորոնավիրուսի նոր ալիքի հավանականության մասին. Washington Post