Աննա Սեմենովիչը կորոնավիրուսի պատճառով մեծ գումարներ է կորցրել

Աննա Սեմենովիչը կորոնավիրուսի պատճառով մեծ գումարներ է կորցրել։ Այս մասին նա հայտնում է ինստագրամյան իր էջում։

«Սիրելիներս, մենք հաճախ չենք կարող փոխել իրավիճակը, մեր արցունքներն ու զգացմունքները ոչ մի կերպ չեն օգնի մեզ, այլ միայն կխանգարեն։ Երեկ առավոտյան ինձ զանգահարեցին և ասացին, որ կորոնավիրուսի պատճառով սառեցնում են ինձ հետ կնքված մի մեծ գովազդային պայմանագիր։ Ես կորցրեցի մեծ գումարներ։ Իմ հիասթափությունը սահմաններ չուներ։ Ես ցնցված էի։ Նախ զայրացա, բայց հետո, վերլուծելով ստեղծված իրավիճակը, հասկացա, որ պետք է ընդունել այն, ինչպես կա: Ի վերջո, ես չեմ կարող ազդել մարդկանց որոշումների վրա, ես կարող եմ ազդել միայն իրավիճակի իմ ընկալման վրա», ֊ գրել է Սեմենովիչը։