Արքայազն Հարրին հրաժարվել է իր թագավորական ազգանունից․ DailyMail

Արքայազն Հարրին հրաժարվել է իր արքայական ազգանունից կնոջ՝ Մեգան Մարքլի հետ Կալիֆոռնիա մեկնելուց հետո: 35-ամյա դուքսը և դքսուհին հիմնել են էկոլոգիապես մաքուր զբոսաշրջային նոր ձեռնարկություն՝ «Թրավելիսթը», և կազմակերպության գրանցման փաստաթղթերում արքայազնը ստորագրել է՝ առանց նշելու ազգանունը։ Նա, կարծես, հրաժարվել է ինչպես իր թագավորական տիտղոսից, այնպես էլ թագավորական ընտանիքի ազգանունից՝ Մոունթբաթթեն֊Վինդզոր, գրում է Daily Mail֊ը: Այս ամենը սկսվեց այն բանից հետո, երբ արքայազնը այս ձեռնարկությունը գործարկեց Էդինբուրգում և պատվիրակներին խնդրեց իրեն «պարզապես նրան անվանել Հարի»: Նրա բեմ բարձրանալուց առաջ նրանց հյուրընկալը՝ Այեյշա Խազարիկան, Աշխատանքի նախկին խորհրդականը, ասաց. «Նա խնդրել է, որ մենք բոլորս պարզապես նրան անվանենք Հարի: Այսպիսով, տիկնայք և պարոնայք, խնդրում ենք ջերմ շոտլանդական ողջույնի խոսքեր ուղղել Հարիին»: Արքայազնը, բենմ բարձրանալով, հայտարարեց, որ իրենք անհամբեր սպասում են սկսելու Archewell հիմնադրամը, որը կփոխարինի իրենց Sussex Royal ապրանքանիշին: Զույգը նաև մտադիր է սեփական բարեգործական հիմնադրամը հիմնել՝ որպես իրենց նոր ձեռնարկության մաս: Կազմակերպության մասին հետագա մանրամասները հետաձգվել են Covid-19 համաճարակի պատճառով: Զույգը նշել է, որ հայտարարություն կարվի, «երբ ժամանակը գա»: