«Տիկին Հակոբյան, երբ բազմաթիվ երիտասարդներ կարձագանքեն Ձեր հաղորդագրությանը, փոխանցեք տիկին Նազարյանին, որ նվիրյալներ կան»
Բլոգոսֆերա
Քաղտեխնոլոգ Կարեն Քոչարյանը իր ֆեյսբուքյան էջում գրել է․
«Բաց նամակ Աննա Հակոբյանին
Հարգելի տիկին Հակոբյան,
Ձեր գրասենյակը հայտարարություն է տարածել, որտեղ նշված է, որ գրասենյակին հարկավոր են կամավորականներ (վոլոնտյորներ): Կարծում եմ Հայաստանում եղել են, կան և միշտ էլ կլինեն երիտասարդներ, որոնք պատրաստ են կամավորական սկզբունքով կատարել այս կամ այն բարի կամ հանրօգուտ աշխատանքը (օրինակ, իմ երեխաները բազմիցս մասնակցել են նման ծրագրերի: Համոզված եմ, որ Ձեր երեխաներն էլ են նման ծրագրերի մասնակցել): Բայց, երբ կարդացի այդ հայտարարությունը հիշեցի Լենա Նազարյանի այն գրառումը, որ նվիրյալներ չկան: Ընդ որում, ԱԺ փոխնախագահը խոսում էր լոկ աշխատավարձով` առանց հավելավճարների աշխատանքի մասին: Այսինքն, կարող եմ ենթադրել, որ տիկին Նազարյանի համար անվճար աշխատանքն ընդհանրապես ծաղրի առարկա կարող է լինել:
Տիկին Հակոբյան, խնդրում եմ Ձեզ, երբ բազմաթիվ երիտասարդներ(և ոչ միայն երիտասարդներ) կարձագանքեն Ձեր հաղորդագրությանը և կամավորական սկզբունքով կկատարեն այն աշխատանքը, որ նրանց կառաջարկվի, իմ և Ձեր անունից փոխանցեք տիկին Նազարյանին, որ ՆՎԻՐՅԱԼՆԵՐ ԿԱՆ:
Հարգանքով, ՀՀ քաղաքացի Կարեն Քոչարյան»
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
