ՖԻՖԱ-ն վերանայում է «Սամպդորիայի» բողոքը Ֆերնանդեսի՝ «Մանչեսթեր Յունայթեդ» տեղափոխվելու մասին

Ֆուտբոլի միջազգային ֆեդերացիան (ՖԻՖԱ) կքննարկի իտալական «Սամպդորիայի» բողոքը ֆուտբոլիստ Բրունո Ֆերնանդեսի՝ «Լիսաբոն Սպորտինգից» «Մանչեսթեր Յունայթեդ» տեղափոխության վերաբերյալ։ Այս տարվա հունվարից Ֆերնանդեսը «Մանչեսթեր Յունայթեդի» կազմում է։ Ըստ ԶԼՄ-ների տեղեկությունների՝ տրանսֆերի գումարը կազմել է մոտ 58 միլիոն եվրո: 2016 թվականից մինչև 2017 թվականը կիսապաշտպանը խաղում էր «Սամպդորիայի» կազմում, որտեղից տեղափոխվեց «Սպորտինգ»: Իտալական ակումբը պնդում է, որ իրավունք ունի ստանալու «Սպորտինգի» շահույթի 10% -ը 25-ամյա պորտուգալացու վաճառքից: ՖԻՖԱ-ի ներկայացուցիչը հաստատեց, որ «Սամպդորիան» բողոք է ներկայացրել ապրիլի 3-ին: «Այս հարցը ներկայումս հետաքննվում է, ուստի մենք չենք կարող մեկնաբանություններ տալ», - ասաց աղբյուրը: Ֆերնանդեսը այս մրցաշրջանում անցկացրել է 37 հանդիպում «Սպորտինգի» և «Մանչեսթեր Յունայթեդի» համար բոլոր մրցաշարերում, խփել 18 գոլ և կատարել18 գոլային փոխանցում: