Բունդեսլիգան կարող է վերսկսել հանդիպումները մայիսի երկրորդ կեսից․ Անգելա Մերկել

Կորոնավիրուսի համաճարակի պատճառով ընդհատված Գերմանիայի ֆուտբոլի առաջնությունը կվերսկսվի մայիսի երկրորդ կեսից, հայտարարել է Գերմանիայի կանցլեր Անգելա Մերկելը: Այսպիսով՝ Բունդեսլիգան կլինի առաջին եվրոպական ֆուտբոլի ազգային լիգաներից մեկը, որը կվերսկսի մրցաշրջանը COVID-19- ի տարածման պատճառով դադարից հետո: «Բունդեսլիգան կարող է վերսկսել խաղը մայիսի երկրորդ կեսից, եթե պահպանվեն պահանջված կանոնները», - ասել է Մերկելը Գերմանիայի մարզերի ղեկավարների հետ կայացած ասուլիսից հետո: Նա չի հստակեցրել այդ կանոնները, բայց ավելի վաղ Գերմանիայի ֆուտբոլի լիգան (DFL) հայտարարել էր, որ նախատեսում է անցկացնել վարակների կանոնավոր ստուգում: Բացի այդ, որպես հիմնական իրադարձություն, Բունդեսլիգան ենթակա է սահմանափակումների և չի կարող անցկացվել հանդիսատեսի ներկայությամբ: