Վարչապետը խուսանավեց բուն խնդրից, և իմ այդ թեմայով գրառման status quo-ն մնում է անփոփոխ և անպատասխան. Վահան Արծրունի

Բլոգոսֆերա 9 Հունիս, 2020 0:14

Երևանի պետական բժշկական համալսարանի Հոգաբարձուների խորհրդի ղեկավար Վահան Արծրունին ֆեյսբուքյան էջում գրել է.

«Այնպիսի տպավորություն է, որ վարչապետին իմ տեքստի բովանդակությունը ներկայացնելիս «մոռացան» նշել, որ ես հատկապես նկատի ունեի ԵՊԲՀ(պետական) թիվ մեկ հիվանդանոցի նոր մեկուսարանը, այլ ոչ թե որևէ մասնավոր հիմնարկություն, և ՄԱՐՏ ամիսը, այլ ոչ թե ՀՈՒՆԻՍԻ 5-ը` եթե այսօրվանից հետ հաշվենք 3 օր:
Ես տեղեկացված էի փոխնախարարի այցի մասին, բայց գրառումս վերաբերվում էր հետևյալ հանգամանքին` եթե բժշկական կովիդ-մեկուսարանը պատրաստ էր մարտից, ինչու այն չօգտագործվեց մինչև մայիսի սկիզբը այն դեպքում, երբ դրա սուր անհրաժեշտությունը արդեն կար դեռ ապրիլի վերջերին:
Ավելի կոնկրետ` ասածս ի սկզբանե այն էր, որ «նախարարությունը պետք է կայացներ որոշումը համապատասխան բուժհաստատության հետ» շատ ավելի վաղ, քան երեք օր առաջ:
Փաստացի` վարչապետը խուսանավեց բուն խնդրից, և իմ այդ թեմայով գրառման status quo- ն մնում է անփոփոխ և անպատասխան:

Իմ մայիսի 7-ի ֆԲ գրառման ամբողջական տեքստը`
«Մարտ ամսից ԵՊԲՀ 1-ին կլինիկական հիվանդանոցում այս հատուկ covid-բաժանմունքը (մեկուսարան) ամբողջովին կոմպլեկտավորված մասնագետներով, սարքավորումներով և բժշկական միջոցներով ԴԱՏԱՐԿ Է եղել և չի գործածվել անհայտ պատճառներով։ Մարտ ամսից համալսարանական կլինիկան կարող էր ընդունել և բուժ. օգնություն ցուցաբերել վարակակիրներին, բայց «չէր նկատվում» առողջապահության նախարարության կողմից, նույնիսկ այն պարագայում, երբ հիվանդանոցային անկողնային և մասնագիտական ռեսուրսը սպառման առաջ էր կանգնած։ Այդ ատյանի ղեկավարը նախընտրում էր ոչ միայն հիվանդների «սորտավորումը», այլ նաև՝ բուժ.հաստատությունների։
Ո՞վ է սրա պատասախանը տալու։»

Նիկոլ Փաշինյան. «...Ինչ վերաբերում է պարոն Արծրունու հրապարակմանը, ես տեղյակ եմ, որ հրապարակումից երեք օր առաջ այդ թեման լուծված է եղել արդեն, եւ նախարարությունը համապատասխան բուժհաստատության հետ կայացրել է որոշում:»

Միայն ի՞նձ մոտ է այն տպավորությունը, որ մենք տարբեր իրողությունների մասին ենք խոսում»: