Արմեն Աշոտյանը՝ Իրանում Հայաստանի դեսպանատան առջեւ տեղի ունեցած բողոքի ակցիայի մասին

Իրանում Հայաստանի դեսպանատան առջեւ տեղի ունեցած բողոքի ակցիան դարձավ քաղաքական եւ մասնագիտական բուռն քննարկումների առարկա։ Ուշադիր ծանոթացել եմ կարծիքներին եւ մեկնաբանություններին։ Սակայն, կարծում եմ, մեկ կարեւոր հարց դուրս է մնացել ուշադրությունից։ Այս մասին Ֆեյսբուքի իր էջում գրել է ՀՀԿ նախագահ Արմեն Աշոտյանը:

«Իսրայելում Հայաստանի դեսպանատուն բայցելու որոշումը կայացվել ՀՀ Կառավարության նիստին դեռեւս 2019 թվականի սեպտեմբերի 19-ին։

Վստահ եմ, որ հարցն ի սկզբանե եղել է իրանական կողմի ուշադրության ներքո, եւ դժվար է մտածել, թե որոշման ընդունումից 9 ամիս անց է սրվել հարցի ընկալումը Թեհերանում։

Հայաստանի արտաքին քաղաքական խմորումները թույլ են տալիս մտածել, որ տվյալ ակցիայի համար Իսրայելում դեսպանատան բացումն ընդամենը մի առիթ էր, դրվագ, իսկ իրականում Հայաստանին ուղղված նախազգուշական ժեստը կապված էր ավելի խորքային գործընթացների հետ։

Մասնավորապես՝ Հյուսիս- Հարավ աշխարհաքաղաքական առանցքում Փաշինյանի կողմից առաջացված «խցանումների», Ռուսաստանի հետ սրված հարաբերությունների եւ Արեւմուտքի որոշ շրջանակների Հայաստանի արտաքին քաղաքականությանն ուղղակի եւ անուղղակի ներգրավածության պատճառով։

Մեծ է վտանգը, որ թեպետ Փաշինյանը հայտարարել էր, թե արտաքին քաղաքականիոթյան մեջ շրջադարձներ չեն լինելու, տակից իրականում սկսել է աշխատել այլ ուղղությամբ։ Մնում է այդ սողացող շրջադարձի ընթացքում երկիրը չգցի աշխարհաքաղաքական «պատահարի» մեջ»,- գրել է Աշոտյանը։

• Իրանն ուղերձ է փոխանցում Հայաստանին. ինչպես փրկել հայ-իրանական հարաբերությունները (տեսանյութ)