«Ի՞նչ պատճառով են ուզում սահմանել այս պահանջը»
ԲլոգոսֆերաԻրավապաշտպան Ռուբեն Մելիքյանը Ֆեյսբուքի իր էջում գրել է.
«Կառավարությունը հայտարարել է, որ վաղվանից անձը հաստատող փաստաթղթերի առկայությունը դառնում է պարտադիր։
Այդ կապակցությամբ՝ մի քանի նկատառում.
1) Ի՞նչ իրավական ակտով է դա սահմանվել։ Կառավարության նիստ չի եղել, իսկ պարետի որոշումներում էլ նման բովանդակությամբ կարգավորում այսօր չի սահմանվել (ու ի դեպ չի էլ կարող սահմանվել)։
2) Ի՞նչ պատճառով են ուզում սահմանել այս պահանջը։ Վերջին օրերին հարյուրավոր քաղաքացիների են ենթարկել վարչական ձերբակալման, ու նրանցից շատերը ոչ միայն չեն ունենում անձը հաստատող փաստաթղթեր, այլև հրաժարվում են ներկայանալ՝ զրկելով ոստիկանությանը իրենց վարչական պատասխանատվության ենթարկելու հնարավորությունից։
3) Ինչու՞ այս պահանջը առանձնապես չի աշխատելու։ Որովհետև եթե անձը չունենա անձը հաստատող փաստաթուղթ և շարունակի չներկայանալ, ապա ինչպե՞ս են նրան տուգանելու անձը հաստատող փաստաթուղթ չունենալու համար, եթե դրա համար անհրաժեշտ է կա՛մ ունենալ անձը հաստատող փաստաթուղթ, կա՛մ առնվազն ներկայանալ։ 3 ժամը որ լրանա՝ մեկ է՝ պետք է բաց թողնեն։
Կարճ ասած՝ տիպիկ «իմքայլական» պահանջ է»։
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
