«Քանյեն լավ տղա է». Թրամփը վստահ է, որ Քանյե Ուեսթը ԱՄՆ նախագահի ընտրություններում կաջակցի իրեն․ Fox News
ԱՄՆ
ԱՄՆ նախագահ Դոնալդ Թրամփը կարծում է, որ ռեփեր Քանյե Ուեսթը, որը առաջադրվել է նախագահական ընտրություններում՝ իբրև անկախ թեկնածու, կաջակցի պետության ներկայիս ղեկավարին:
«Նրա ձայնը լսելի է։ Նա միշտ մեզ հետ է եղել, և միշտ այդպես կլինի։ Նրա կինը՝ Քիմ Քարդաշյանը, նույնպես մեզ հետ կլինի», - ասել է ԱՄՆ նախագահը Fox News-ին տված հարցազրույցում։
«Նա լավ տղա է՝ մարդ, ում հետ ես հանգիստ եմ, և ես կարծում եմ, որ վերջում նա կաջակցի մեզ», - համոզված է Թրամփը: Ինչպես հայտնի է, Քանյե Ուեսթը գրանցվել է՝ մասնակցելու ԱՄՆ նախագահի ընտրություններում՝ իբրև անկախ թեկնածու։ Նրա կինը՝ Քիմ Քարդաշյանը, և «Tesla»-ի և «SpaceX»-ի հիմնադիր Էլոն Մասկը, արդեն հայտնել են իրենց աջակցությունը նրան: ԱՄՆ նախագահական ընտրությունները տեղի կունենան նոյեմբերին:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
