Ուկրաինացի հաղորդավարուհուն որդու աչքի առաջ ծեծի են ենթարկել և փորձել բռնաբարել (տեսանյութ)

Ուկրաինացի հաղորդավարուհի Անաստասիա Լուգովայային որդու աչքի առաջ ծեծել և փորձել են բռնաբարել Մարիուպոլից Կիև մեկնող գնացքում:

Ինչպես հայտնում է Lenta.ru-ն, այս մասին հաղորդավարուհին պատմել է Ֆեյսբուքի իր էջում:

Նրա խոսքով` գիշերը գնացքի խցիկ է մտել ներքնազգեստով մի տղամարդ և սկսել հարվածել իրեն: Հաղորդավարուհին սկսել է բղավել և բղավոցից արթնացել է նրա փոքրիկ որդին, ով նույնպես սկսել է գոռալ: Տղամարդը փորձել է հարվածել երեխային, բայց Անաստասիան կանգնեցրել է նրան` ասելով, որ պատրաստ է կատարել նրա ցանկացած խնդրանքը:

Ի պատասխան դրա` տղամարդը փորձել է բռնաբարել կնոջը: Այդ ժամանակ Լուգովայան համոզել է տղամարդուն դուրս գալ սենյակից, որպեսզի որդին ոչինչ չտեսնի, անծանոթը համաձայնել է և հաղորդավարուհուն տարել է իր խցիկ: Սակայն, տղան շարունակել է բարձր լացել: Այդ ժամանակ հաղորդավարուհին որդուն հանգստացնելու պատրվակով լքել է հարձակվողի առանձնասենյակը և որդու հետ թաքնվել հարևան վագոնում:

Ի վերջո, հանցագործին ձերբակալել են, գնացքի ղեկավարը կարգադրել է հսկել նրան, որպեսզի չփախչի: Կիևում տղամարդուն հանձնել են իրավապահ մարմիններին:

Ծեծի հետևանքով կնոջ դեմքին բազմաթիվ կապտուկներ են առաջացել, նրա մոտ ծնոտի կոտրվածք է ախտորոշվել: Նախնական տվյալներով` հարձակված տղամարդը գնացքով երթևեկելիս է եղել առանց տոմսի:

Նշվում է, որ հաղորդավարուհու ամուսինը հայտարարել է, թե գնացքի աշխատակազմը գումար է առաջարկել իր կնոջը` դեպքի վերաբերյալ չբարձրաձայնելու համար: