«Ինձ չեք կարող լռեցնել»․ Թրամփն արձագանքել է Twitter֊ում իր օգտահաշվի արգելափակմանը․ Politico

ԱՄՆ նախագահ Դոնալդ Թրամփը «ցասման մեջ է ընկել» և «գլուխը կորցրել է» այն բանից հետո, երբ Twitter-ը ընդմիշտ արգելափակել է իր օգտահաշիվը, հաղորդում է Politico թերթը՝ վկայակոչելով վարչակազմի աղբյուրին:
Ըստ աղբյուրի՝ Թրամփը «կատաղության մեջ է ընկել» և «շտապ փորձել պարզել, թե ինչ տարբերակներ ունի այն վերականգնելու»։
Twitter-ը ավելի վաղ հայտարարել էր, որ արգելափակում է Թրամփի անձնական օգտահաշիվը՝ բռնություն հրահրելու ռիսկի պատճառով: Դրանից հետո, արդեն Միացյալ Նահանգների նախագահի պաշտոնական օգտահաշվում հրապարակվել է Թրամփի հայտարարությունը այն մասին, որ Twitter-ը չի լկարող լռեցնել իրեն, բայց այս հրապարակումը նույնպես հանվել է սոցցանցի մոդերատորների կողմից:
Twitter-ը, Facebook-ը, Youtube-ը և Instagram-ը ավելի վաղ տարբեր ժամանակահատվածներում արգելափակել էին Թրամփի օգտահաշիվները՝ կապված Վաշինգտոնում հունվարի 6-ին տեղի ունեցած անկարգությունների ֆոնին նրա հայտարարությունների հետ: