1.5 տարի առաջ Փաշինյանը Արայիկ Հարությունյանին պատմել է՝ ինչ է լինելու Արցախի հետ. Միքայել Մինասյան

Արցախի նախագահ Արայիկ Հարությունյանին Նիկոլ Փաշինյանը 1.5 տարի առաջ պատմել է, թե ինչ է սպասվում Արցախին, և Արայիկ Հարությունյանն ու Արցախի ԱԱԾ նախկին տնօրեն Կամո Աղաջանյան հանձնված տարածքներից իրենց բիզնեսները վաճառել են: Այս մասին ֆեյսբուքյան իր էջում հրապարակած «Requiem 7. քաղաքականություն» վերտառությամբ տեսանյութում հայտարարել է Սուրբ Աթոռում ՀՀ նախկին դեսպան Միքայել Մինասյանը։

«Արարատ Միրզոյանը բանակցել է Արայիկ Հարությունյանի հետ ինֆորմացիայի, հավատարմության երաշխիքների դիմաց և այլն, և երաշխավորել Նիկոլ Փաշինյանին, թե՝ ես գտել եմ նոր ստրուկ, ինքը պատրաստ է հոգին վաճառել սատանային: Իսկ ինչի՞ց էր վախենում Արայիկ Հարությունյանը. նա վախենում էր, որ Նիկոլ Փաշինյանը ջրի երես կհանի թալանի գործընթացները, որի մեջ մինչև կոկորդը թաթախված է Արայիկ Հարությունյանը:

1.5 տարի առաջ եղել է հանդիպում, որին ներկա են եղել Նիկոլ Փաշինյանը, Արարատ Միրզոյանը, Արայիկ Հարությունյանն ու Արցախի ԱԱԾ նախկին տնօրեն Կամո Աղաջանյանը: Այդ չորս անձինք խոսել են Նիկոլ Փաշինյանի ներկայացրած ծրագրի շուրջ, որովհետև 1.5 տարի առաջ Նիկոլ Փաշինյանը պատմել է Արայիկին, թե ինչ է լինելու Արցախում և ինչի տակ են իրենք մտնում, պատմել է այն, ինչ տեղի է ունենում այսօր»,-իր խոսքում նշել է նա։ 

Մանրամասները՝ տեսանյութում: