Հուլիսի 1-ից մեկնարկում է ԵԱՏՄ-ի «Աշխատանք առանց սահմանների» հարթակը

Ավելի քան կես միլիոն թափուր աշխատատեղ և 4 միլիոն ինքնակենսագրական․ հուլիսի 1-ից մեկնարկում է Եվրասիական տնտեսական միության «Աշխատանք առանց սահմանների» հարթակը, որը նախատեսված է միության անդամ երկրների քաղաքացիների համար։ Այս մասին հայտնում է ՀՀ աշխատանքի և սոցիալական հարցերի նախարարությունը:

Համակարգում գրանցվելու համար քաղաքացիները պետք է նախ գրանցվեն իրենց երկրի զբաղվածության ոլորտը համակարգող կառույցի, Հայաստանի դեպքում՝ Աշխատանքի և սոցիալական հարցերի նախարարության «Գործ» տեղեկատվական համակարգում, որից հետո, ըստ ցանկության, տվյալները հասանելի կլինեն նաև այս հարթակում։