«Բարսելոնան» որոշել է՝ ով կկրի Մեսսիի մարզաշապիկը

«Բարսելոնան» թիմը լքած արգենտինացի հարձակվող Լիոնել Մեսսիի տասներորդ համարը փոխանցել է իսպանացի ֆուտբոլիստ Անսու Ֆատիին, հայտնում է «կապտանռնագույնների» կայքը:

«Բարսելոնայում» տասներորդ համարը պատկանել է նաև բրազիլացի ֆուտբոլիստներ Ռոնալդինյոյին և Ռիվալդոյին: Նախկինում Ֆաթին կրել է 22 և 17 համարները։

 «Ոսկե գնդակի» վեցակի դափնեկիր Մեսսին, ով իր ողջ հասուն կարիերան անցկացրել է «Բարսելոնայում», օգոստոսի 10-ին պայմանագիր կնքեց «ՊՍԺ»-ի հետ:

Ֆատին «Բարսելոնայի» շրջանավարտ է: Ակումբի հիմնական թիմի կազմում 18-ամյա խաղացողը անցկացրել է 43 հանդիպում և դարձել 13 գոլի հեղինակ: Այս պահին կիսապաշտպանը, որը վնասվածքի պատճառով չի խաղացել 10 ամիս, վերականգնողական փուլում է: