Տղամարդն իր պահոցում կուտակած 110 հազար դոլարի փոխարեն՝ կեղծ թղթադրամներ է գտել

Մոսկվայաբնակ տղամարդը իր պահոցում իրական փողի փոխարեն գտել է կեղծ թղթադրամներ, որոնք նա պահել էր շենքի ընդհանուր պատշգամբում: Այս մասին հայտնում է Baza Telegram ալիքը։

Տղամարդը գումար էր խնայում 2013 թվականից։ Նա իր խնայողությունները դրել է թղթապանակների մեջ, որոնք թաքցրել է իր և հարևանի պատշգամբի միջև գտնվող հրշեջ խցիկում։ Այսպիսով՝ նա առանձնացրել է մոտ 110 հազար դոլար, որը բաժանել է 11 տուփի։

Սակայն հարևանը հետագայում վաճառել է բնակարանը, և նոր սեփականատերը սկսել է վերանորոգել: Ինչ-որ պահի նա զանգահարել է տղամարդուն և ասել, որ բացել է պատշգամբի խցիկը և այնտեղ թղթապանակներ է գտել։ Տղամարդը իր գումարի փոխարեն՝ թղթապանակներում գտել է կեղծ թղթադրամներ։ Ներկայումս ոստիկանությունը պարզում է դեպքի մանրամասները։