Ադրբեջանում շարունակում են պայքարել համատարած հրդեհների դեմ

Ադրբեջանում անտառային հրդեհների նոր օջախներ են գրանցվել. այս անգամ հրո ճարակի թիրախ են դարձել Ղուբայի և Շաբրանի շրջանը:

Այդ մասին հայտարարել է էկոլոգիայի և բնական պաշարների նախարարության մամուլի քարտուղար Իրադա Իբրահիմովան, հայտնում է ԱՊԱ-ն:

Ներկայում հրշեջները փորձում են տեղայնացնել կրակը և թույլ չտալ դրա տարածում այլ հատվածներ, ինչը, սակայն, դժվարանում է եղանակային անբարենպաստ պայմանների՝ տապի ու ուժգին քամիների պատճառով: