Ռուսաստանը կապահովի իր դաշնակիցների պաշտպանությունը. Պուտին

Ռուսաստանը կապահովի իր ազգային շահերն ու դաշնակիցների պաշտպանությունը և կամրապնդի իր զինված ուժերը, հայտարարել է Ռուսաստանի Դաշնության նախագահ Վլադիմիր Պուտինը։

«Նախկինի պես Ռուսաստանն ակտիվորեն աջակցում է իր դաշնակիցներին, գործընկերներին եւ կատարելագործում միջազգային անվտանգության գործող մեխանիզմներն ու նորը ստեղծում, ամրապնդում ազգային զինված ուժերն ու անվտանգության այլ կառույցներ։ Մենք կշարունակենք ապահովել մեր ազգային շահերը եւ պաշտպանել մեր դաշնակիցներին, քայլեր ձեռնարկել ավելի ժողովրդավար աշխարհի կառուցման համար, որտեղ ապահովված են բոլոր ազգերի իրավունքները»,-ասել է Պուտինը։

Ավելի վաղ Պուտինը հայտարարել էր, որ Ռուսաստանը պատրաստ է դաշնակիցներին առաջարկել ամենաժամանակակից զենքերը: