Գյումրիից ահազանգած քաղաքացին սպառնացել է պայթեցնել նաև ԱԺ շենքը․ պարզվել է նրա ինքնությունը
Իրավունք
Ոստիկանության օպերատիվ կառավարման կենտրոն օգոստոսի 15-ին զանգած քաղաքացին հայտնել էր, որ պատրաստվում է պայթեցնել Ազգային ժողովի շենքը:
Ոստիկանության լրատվական բաժնից տեղեկանում ենք, որ քաղաքացին զանգել է նաև 911 ծառայություն և հայտնել, որ կպայթեցնի Գյումրիի հարկայինի շենքը: Նա նույնաբովանդակ ահազանգ է հնչեցրել նաև օգոստոսի 16-ի ժամը 12.06-ին, որ կպայթեցնի Գյումրիի հարկայինի շենքը:
Ոստիկանության Մուշի բաժնի ծառայողները պարզել են քաղաքացու ինքնությունը: Գյումրիի 63-ամյա քաղաքացին ոստիկանության Մուշի բաժնում հայտնել է, որ գտնվել է ալկոհոլի ազդեցության տակ և չգիտակցելով արարքը՝ զանգել է ոստիկանություն, սակայն հայտնած տեղեկությունը իրականությանը չի համապատասխանում:
Կազմված փաստաթղթերն ու քաղաքացին ներկայացվել են նախաքննական մարմին:
Ամենադիտված 
Մնաս բարյավ. Րաֆֆի Հովհաննիսյան
