ՊՎԾ պետ Ռոմանոս Պետրոսյանը չի՞ նկատում յուրայինների «սայթաքումները»

Հայաստանյան մի շարք ՊՈԱԿ-ում պարբերաբար ծագում են սկանդալներ կապված բացթողումների, չարաշահումների հետ:  Դիցուք՝  Սեւան ազգային պարկ ՊՈԱԿ-ում ըստ մամուլի մի շարք հրապարակումների  անկազմակերպ եւ անկառավարելի վիճակ է: ՊՈԱԿ-ում տիրող իրավիճակը լրագրողներին են ներկայացրել պարկի ճակատագրով հետաքրքրվող մի շարք քաղաքացիներ: Նրանց խոսքերով՝ ՊՈԱԿ-ի ԺՊ Արման Աբելյանն (նա այս պաշտոնին նշանակվել է 2021-ի մարտին) ընդհանրապես չի տիրապետում իրավիճակին: Բացի այս, պարկի պահպանությունն ըստ պատշաճի չի իրականացվում, ձկնորսն ինչ ուզում, անում է, արագ արձագանքման համար ստեղծված ինչ-որ խմբեր կան, որոնք ոչինչ չեն անում որսագողությունը կանխելու համար: Կարճ ասած, ՊՈԱԿ-ի տնօրենի Ժամանակավոր պաշտոնակատար նշանակված Արման Աբելյանը անգործության է մատնված: Բացի այս, հայտնի է դարձել նաեւ, որ ՊՈԱԿ-ը հասցրել է ֆինանսական պարտքեր կուտակել ոչ պրոֆեսիոնալ կառավարման հետեւանքով: Նույն լրատվամիջոցի փոխանցմամբ՝ Արման Աբելյանը շրջակա միավայրի նախկին նախարար, Պետական վերահսկողական ծառայության ներկայիս ղեկավար Ռոմանոս Պետրոսյանի ուսանողական ընկերն է, որի կարիերայի համար Պետրոսյանն անում է ամեն հնարավորը:

Շաբաթներ առաջ տեղեկություն տարածվեց, որ Լոռու մարզի դատախազության կողմից իր լիազորությունների շրջանակում 2021թ. դեկտեմբերին ուսումնասիրվել էին «Հայանտառ» ՊՈԱԿ Լոռու մարզի համապատասխան ստորաբաժանումների աշխատողների տվյալները: Պարզվել էր, որ զանազան անտառխախտումների և իրենց ծառայողական պարտականություններն անբարեխիղճ կատարելու, դրանով պետությանը վնասներ պատճառելու համար նախկինում դատապարտված կամ նույնպիսի արարքների համար որպես մեղադրյալ ներգրավված անձանց կողմից պաշտոնավարման պրակտիկան «Հայանտառ» ՊՈԱԿ-ի տարբեր մասնաճյուղերում շարունակվում է: Ընդ որում, այդպիսի անձինք զբաղեցնում են նաև անտառտնտեսության բարձր պաշտոններ: Ի դեպ, ՊՈԱԿ-ում ամիսներ առաջ ղեկավար էր Ռոմանոս Պետրոսյանի ազգական Պավել Ցուգունյանը: Նկատե՞լ է ՊՎԾ ղեկավարը այս բոլոր բացթողումները, կամ փորձե՞լ է ստուգումներ սկսել մի կառույցում, որը այն ժամանակ ղեկավարում էր իր ազգականը: Թերևս` ոչ: 

Ըստ մամուլում առկա տեղեկությունների`  Պետրոսյանը  նաև փորձում էր ինչ-ինչ կադրային հարցեր լուծել Խոսրովի արգելոցում: Արգելոցը վերջին ամիսներին հայտնվում է բավական մութ և կասկածելի պատմությունների կիզակետում:  Ամեն բան սկսեց նրանից, որ արգելոցի փոխտնօրենը մեղադրեց այն ժամանակ ՇՄ նախարար Ռոմանոս Պետրոսյանին իրենից ամեն գնով ազատվելու ցանկության մեջ: Այնուհետև Ռոմանոս Պետրոսյանի հրամանով` Բորիս Բաղդասարյանը նշանակվել էր ՀՀ ՇՄՆ «Խոսրովի անտառ» պետական արգելոց ՊՈԱԿ-ի տնօրենի ժամանակավոր պաշտոնակատարի պաշտոնում: Մամուլը այն ժամանակ գրել էր, որ Բաղդասարյանը Պետրոսյանի յուրայինն է և նրա նշանակման փաստը պայմանավորված է հենց այդ հանգամանքով: Այսօր արդեն ՊՈԱԿ-ի տնօրենի ԺՊ-ն Արտակ Մխիթարյանն է, ով մի քանի անգամ հայտնվել է մամուլի ուշադրության կենտրոնում: Ամիսներ առաջ լուրեր էին տարածվել, որ ՊՈԱԿ-ի այն ժամանակ պահպանության գծով փոխտնօրենի պաշտոնը զբաղեցնող Արտակ Մխիթարյանը մասնակցություն է ունեցել Սյունիքում վարազի ապօրինի որսի դեպքին: Այս լուրը հերքվեց պաշտոնապես: Այնուհետև ևս մեկ սկանդալ եղավ: Եվ չնայած դրան` Մխիթարյանը մնաց ԺՊ, իսկ նոր տնօրեն ընտրելու մրցույթը այդպես էլ չի կայանում: Անգամ եթե Մխիթարյանը որևէ կապ չունի վերը նշված մեղադրանքների հետ, այլ երկրում նման պաշտոնյան արդեն իսկ հրաժարական տված կլիներ՝ հանրության տարատեսակ շերտերի կասկածները ցրելու համար: Իսկ ՊՎԾ-ն, իր հերթին տեսնելով, որ ՊՈԱԿ-ում մեղմ ասած ոչ նորմալ բարքեր են տիրում, կարող էր իր հերթին նույնպես ստուգումներ իրականացնել, մի բան, ինչը այդպես էլ տեղի չի ունեցել:

Բնականաբար, չենք պնդում, որ մամուլում հայտնված և վերը նշված մեղադրանքները իրականություն են, սակայն, հենց դրանում է ՊՎԾ գործառույթը՝ ստուգել և վերհանել խախտումները, եթե դրանք առկա են, կամ ցրել հասարակության և լրատվամիջոցների տարատեսակ կասկածներն այս առումով: Իսկ երբ ՊՎԾ-ն որևէ բան այս ուղղությամբ չի անում, տպավորություն է ստեղծվում, որ ՊՎԾ ղեկավարը փորձում է կոծկել ժամանակին իր կողմից նշանակված անձանց հավանական խախտումները...

Այս թեմայով Կաթվածահար իշխանություններ. երբ վնաս տալուց բացի ուրիշ ոչնչի ունակ չեն. «Փաստ» Նրանց բոլորին միավորում է սերը դեպի այս իշխանություն և ատելությունն առ Արցախ և նախկին իշխանություններ․ Ղազինյան Եթե դավաճանների փոխարեն նորմալ իշխանություններ ունենայինք. Արտակ Զաքարյան «Փաստ». Իրավական «հիմքեր» են փորձում գտնել «Փաստ». Ներքին զավթում. գործող իշխանություններն ավելի մեծ ուժով են սեղմում պետության կոկորդը