Թագուհի Եղիսաբեթ II-ի դեմ մահափորձ ծրագրավորած տղամարդուն մեղադրել են դավաճանության մեջ
Այլ20-ամյա բրիտանացի Ջասվանտ Սինգհ Չեյլը, ով թագավորական նստավայր է մտել աղեղնազենով, հայտնվել է դատարանում։ Նրան մեղադրանք է առաջադրվել դավաճանության մասին օրենքը խախտելու, սպանության սպառնալիքներ հնչեցնելու և զենք պահելու համար, հայտնում է BBC News-ը։
Այն, որ զինված տղամարդը փորձել է մուտք գործել Վինձորի ամրոցի տարածք, որտեղ Եղիսաբեթ II թագուհին նշում էր Սուրբ Ծնունդը, հաղորդվել էր 2021 թվականի դեկտեմբերի 25-ին։ Նրա մոտից խլել են աղեղնազեն։ Ձերբակալվածին ուղարկել են մասնագիտացված հաստատություն, որտեղ նա գտնվում է հոգեբույժների հսկողության տակ։
Հանցագործության պահին Չալեն ոչ մի տեղ չի աշխատել, իսկ մինչ այդ եղել է սուպերմարկետի աշխատակից։ «Ես այստեղ եմ, որպեսզի սպանեմ թագուհուն»,- խոստովանել է նա մինչ ձերբակալությունը։
Չեյլը մասնակցել է դատավարությանը Բերքշիրի Բրոդմուր հոգեբուժական հիվանդանոցից տեսակապի միջոցով: Նրան մեղադրանք է առաջադրվել 1842 թվականի բրիտանական դավաճանության մասին օրենքի 2-րդ հոդվածի համաձայն: Այն արգելում է «հրազենի լիցքավորումը կամ թիրախավորումը, ցանկացած վտանգավոր առարկա կամ զենք նետելը կամ օգտագործելը Նորին Մեծությանը վնասելու կամ անհանգստացնելու նպատակով»: