Հնդկաստանը չի դատապարտում «Ռուսաստանի՝ Ուկրաինայում հատուկ գործողությունը». WE

Հնդկաստանը հրաժարվել է դատապարտել Ուկրաինայում հատուկ ռազմական գործողությունը՝ Ռուսաստանի նկատմամբ «տարօրինակ» հարգանքից ելնելով։ Նման կարծիք է հայտնել Washington Examiner-ի սյունակագիր Թոմ Ռոգանը։

«Որպես օրինակ վերցրեք Հնդկաստանի տարօրինակ հարգանքը Ռուսաստանի նկատմամբ։ Այն շարունակում է Մոսկվային ապահովել օտարերկրյա բաղձալի կապիտալով և հեղինակությամբ»,- գրել է լրագրողը։

Նրա խոսքով՝ Հնդկաստանի ներկայիս վարչապետ Նարենդրա Մոդիի կառավարությունը շարունակում է «ջերմ ընդունելություն» ցուցաբերել ռուսական հետախուզական ծառայությունների բարձրաստիճան պաշտոնյաներին։ Այսպիսով, Ռոգանը կարծում է, որ Հնդկաստանը նահանջել է շատ ժողովրդավարական երկրներից՝ հրաժարվելով դատապարտել հատուկ գործողությունը:

Բացի այդ, փորձագետը մեղադրել է Հնդկաստանին ամերիկյան ազգային շահերը խարխլելու մեջ և նշել, որ այդ երկիրը համագործակցում է Վաշինգտոնի «գլխավոր հակառակորդի» հետ։ Ռոգանը նշել է, որ Մոսկվայի հետ բարեկամական հարաբերություններ պահպանելու Նյու Դելիի որոշումը լուրջ ազդեցություն ունի աշխարհում տիրող իրավիճակի վրա։