Գուրցկայան խոսել է Վրաստանում ռուսերեն երգերի դեմ բողոքի ցույցերի մասին

Ռուսաստանի ժողովրդական արտիստ, Հանրային պալատի անդամ Դիանա Գուրցկայան Հանրային լրատվական ծառայությանը տված հարցազրույցում կասկածել է, որ Վրաստանի ժողովուրդը բողոքում է ռուսերեն երգերի դեմ։

Վրացուհին ասել է, որ իր համար դժվար է հավատալ նման բողոքի ակցիային: «Անկեղծ ասած, առաջին անգամ եմ լսում այդ մասին: Ինձ թվում է, որ երաժշտությունը խոսում է համամարդկային լեզվով՝ սիրո լեզվով, այդ իսկ պատճառով այն հասկանալի է բոլորին։ Կարծում եմ՝ կարևոր է միշտ հիշել դա»,- կիսվել է նա։

Ավելի վաղ հաղորդվել էր, որ Թբիլիսիի բնակիչները բելառուս փողոցային երաժիշտներից պահանջել են դադարեցնել ռուսերեն երգեր երգելը։ Ի պատասխան՝ երաժիշտները հրաժարվել են դադարեցնել ելույթները, քանի որ վրացական օրենքները չեն արգելում ռուսերեն երգելը։ Ըստ ԶԼՄ-ների՝ վերջին շրջանում Վրաստանում ավելի ու ավելի շատ են բողոքի ցույցերը փողոցային երաժիշտների` ռուսերեն ելույթների ֆոնին։