Չինաստանում փեսացուն իր լավագույն ընկերներից որպես հարսանեկան նվեր է ստացել 42 կգ մետաղադրամ

Չինաստանում փեսացուի ընկերները հարսանիքի համար նրան 42 կգ մետաղադրամ են նվիրել, գրում է Asia One-ը։ Ընկերների խոսքով՝ այս կերպ ցանկացել են կատակ խաղալ նրա հետ։

Մետաղադրամները նվիրողների թվում է եղել Ֆեյ անունով մի կին։ Նա ասել է, որ գաղափարն իրականացնելու համար ինքն ու իր ընկերները ստիպված են եղել շրջել բազմաթիվ խանութներով՝ թղթադրամներ փոխելու համար։

«Դա միանշանակ ավելի կենդանի դարձրեց հարսանիքը»,- մեկնաբանել է չինուհին։

Ընկերների խոսքով՝ նվիրաբերված մետաղադրամները հարսանիքից հետո փեսայի գրպանի փողն են։ Չինաստանում ավանդույթ կա, որ կանայք տնօրինում են իրենց ամուսինների աշխատավարձերը։

«Ահա թե ինչու նման բան մտածեցինք, որպեսզի փեսան միջոցներ ունենա իր ծախսերի համար», - շարունակել է Ֆեյը:

Այն բանից հետո, երբ նվիրաբերված մետաղադրամներով կադրերը տարածվեցին չինական սոցիալական ցանցերում, մարդիկ անհանգստացան, թե ով է հաշվելու այդ գումարը։

«Հարսն ու փեսան պետք է ամեն ինչ իրենք հաշվեն։ Հակառակ դեպքում ինչ-որ հաշվապահ կխելագարվի»,- կատակել են օգտատերերը:

Այս թեմայով ՀՀ-ի և ՉԺՀ-ի միջև ձևավորված հարաբերություններն առանձնանում են համագործակցության բարձր մակարդակով Պատրաստ եմ ջանք գործադրել ՀՀ-Չինաստան հարաբերություններն առավել զարգացնելու համար․ Փաշինյան Էլինա Ավանեսյանը պարտվեց, Կարեն Խաչանովը դուրս եկավ 1/4 եզրափակիչ Պատրաստ ենք նպաստել Հայաստանի հետ հարաբերությունների զարգացմանն ավելի բարձր մակարդակով․ Չեն Մին Սուրեն Պապիկյանը մեկնել է Չինաստան