Տղամարդը ողջ է մնացել կայծակի հարվածից հետո և ստացել եղանակը կանխատեսելու ունակություն
Այլ
Ավստրալիայի Քվինսլենդ նահանգի բնակիչը, որը ողջ է մնացել կայծակի հարվածից հետո, պնդում է, որ դրանից հետո ձեռք է բերել եղանակը կանխատեսելու ունակություն։ Այս մասին հայտնում է Nine News-ը։
Յոթ տարի առաջ ավստրալացի Քրիստոֆեր Գրինը, որն այժմ 31 տարեկան է, կնոջ հետ բժշկի մոտ տարավ իր դստերը, ում կծել էր կրետը: Ճանապարհին ընտանիքը տեսավ, որ ամպեր են կուտակվում։ Երբ նրանք դուրս են եկել բժշկական կենտրոնից, սկսել է անձրեւ տեղալ։
«Ես օգնում էի կնոջս աղջկաս նստեցնել մեքենայի հետևի նստատեղին, իսկ ձեռքումս փայտե բռնակով հովանոց էր։ Ցուցամատի ծայրը ընկած էր հովանոցի մետաղական մասի վրա»,- հիշում է տղամարդը։ Այդ պահին էլ կայծակը հարվածեց նրան։
«Դա նման էր կուրացնող բռնկման, որից հետո ես ուշաթափվեցի»,- ասում է նա։ Կինը վազել է բժշկական կենտրոն` օգնության:
Գրինը արթնացել է հիվանդանոցում: Նա չգիտեր, թե որտեղ է և չէր հիշում, թե ինչ է պատահել։ Ե՛վ նա, և՛ կինը ցնցված էին։ Բժիշկները հետևել են նրա վիճակին և հաջորդ օրը նա դուրս է գրվել հիվանդանոցից։
Հարվածից հետո անցել է մի քանի օր, սակայն տղամարդը շարունակել է թևում քորոց զգալ։ Այժմ նա հավատում է, որ դա օգնում է իրեն կանխատեսել եղանակը. ամպրոպից առաջ քորոցը ուժեղանում է, և նրա ձեռքը սկսում է ցավել։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
