Զբոսաշրջիկը լողավազանի ջուր է կուլ տվել և հայտնվել հիվանդանոցում

Բալիում զբոսաշրջիկը հոսպիտալացվել է այն բանից հետո, երբ փորձել է դիտարժան լուսանկար անել լողավազանում։ Այս մասին հայտնում է New Your Post-ը։

Ավստրալիայից Իսահակ Փաուերը սոցցանցերում կիսվել է կադրով, որտեղ լողում է լողավազանում և ջուր է խմում փայտե արձանից կախված խողովակից: Լուսանկարն արված է վարձակալված վիլլայում։ Հաջորդիվ ճանապարհորդը մեկ այլ նկար է հրապարակել հիվանդասենյակից, որտեղ հայտնվել է նկարահանումներից որոշ ժամանակ անց։

Համացանցի օգտատերերը իրենց ափսոսանքն են հայտնել տեղի ունեցածի համար և մաղթել նրան շուտափույթ ապաքինում։ «Մենք բոլորս այս ամենի միջով անցել ենք Բալիում: Ուժեղ եղիր, եղբայր», «Ով Բալիում թունավորումով հիվանդանոց չի գնացել, Բալիում չի եղել», «Ամեն ինչում մեղավոր են լողավազանի բակտերիաները», «Մահացու կում»,- գրել են օգտատերերը։