Էրդողանը Լվով կատարած իր այցով ցանկանում է մեծացնել Թուրքիայի ազդեցությունն Ուկրաինայում. The Independent
Համաշխարհային Մամուլ
Թուրքիայի նախագահ Ռեջեփ Թայիփ Էրդողանը Ուկրաինա կատարած այցով ցանկանում է ամրապնդել Անկարայի դիրքերն այս երկրում, գրում է The Independent-ը։
Հրատարակության փորձագետի խոսքով՝ Թուրքիայի նախագահն իրեն համարում է տարածաշրջանային գործիչ, որը կարող է երկխոսել համաշխարհային առաջնորդների հետ։ Նաև, ըստ նրա, Էրդողանը «յուրահատուկ դիրքում է՝ աշխարհագրական, դիվանագիտական և ռազմավարական առումով», դրանով իսկ խաղում է այնպիսի դեր, որը «նույնիսկ ՄԱԿ-ի գլխավոր քարտուղարը չի կարող խաղալ»։
Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր, որ Լվովում իր ուկրաինացի գործընկերոջ հետ շփումներից հետո կցանկանար ՌԴ նախագահ Վլադիմիր Պուտինի հետ քննարկել Մոսկվայի և Կիևի միջև գերիների փոխանակման հարցը։
Օգոստոսի 18-ին Լվովում կայացել է Թուրքիայի նախագահ Թայիփ Էրդողանի, Ուկրաինայի առաջնորդ Վլադիմիր Զելենսկու և ՄԱԿ-ի գլխավոր քարտուղար Անտոնիո Գուտերեշի հանդիպումը, որը տևել է 40 րոպե։ Կողմերը քննարկել են Զապորոժյեի ԱԷԿ-ի շուրջ ստեղծված իրավիճակը, հացահատիկի հետ կապված խնդիրները և ռազմական ոլորտում համագործակցությունը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
