Լոս Անջելեսում վրաերթի է ենթարկվել 25 ոստիկան

ԱՄՆ-ի Լոս Անջելես քաղաքում, (Կալիֆորնիա) առնվազն 25 նորակոչիկ ոստիկան է տուժել ճանապարհատրանսպորտային պատահարի հետևանքով՝ վազքի ժամանակ, հայտնում է ABC News-ը՝ վկայակոչելով շրջանի շերիֆ Ալեքս Վիլանուևային։

Մեքենան, որի վարորդը խախտել է ճանապարհային երթևեկության կանոնները և վարել է արգելված գոտիով, մխրճվել է նորակոչիկների 75 հոգանոց խմբի մեջ։ Տուժածներից հինգի վիճակը ծանր է։

Մեքենայի 22-ամյա վարորդը ձերբակալվել է։ Նա թեթև վնասվածքներ է ստացել։