Ինքնաթիռի ուղեւորները օղիով և պարերով խնջույք են կազմակերպել թռիչքի ժամանակ (տեսանյութ)

Իբիցա թռչող Ryanair-ի ինքնաթիռի ուղեւորները խնջույք են կազմակերպել ինքնաթիռում, գրում է Daily Star-ը։ 70 հոգուց բաղկացած խումբը օղի է խմել, բարձր երաժշտություն լսել և անտեսել բորտուղեկցորդուհիների պահանջները։

Ինչպես ասել են նույն չվերթով թռչող մյուս ուղևորները, իրենց դուր չէր գալիս այն, ինչ տեղի էր ունենում: Ըստ մարդկանց, զվարճացողներին ոչ ոք չէր վերահսկում, ուստի անկառավարելի ամբոխը կարող էր ծեծկռտուք սկսել: Նրանք, ովքեր օղի էին խմում, հրաժարվում էին նստել, բղավում էին մյուս զբոսաշրջիկների վրա և բարձր երաժշտություն լսում։

«Ոչ ոք ընդհանրապես չէր վերահսկում: Մի 70 հոգի էին, խփում էին տանիքին, խմում էին, նրանք ավելի ու ավելի հարբած էին դառնում»,- դժգոհել են մյուս ուղեւորները։

Ավիաընկերությունը հաստատել է միջադեպը, սակայն հայտնել է, որ խնդիրը թռիչքի ժամանակ լուծվել է բորտուղեկցորդների կողմից։

«Անձնակազմը մի քանի հայտարարություն արեց և հրաժարվեց յուրաքանչյուր ուղևորին երկուսից ավելի ալկոհոլային խմիչք մատուցել։ Ուղևորները դադարեցրել են իրենց ոչ պատշաճ պահվածքը Իբիցայում անվտանգ վայրէջք կատարելուց առաջ»,- ասվում է հաղորդագրությունում։