Հեռուստացույց դիտելը ուժեղացնում է ցավը. BMC Public Health

Ըստ Baker Heart-ի և շաքարախտի հետազոտական ​​ինստիտուտի բժիշկների` հեռուստացույցի ամենօրյա դիտումների աճը մեծապես կապված է քրոնիկական ցավերի աճի հետ: Աշխատանքը հրապարակվել է BMC Public Health ամսագրում:

Գիտնականներն օգտագործել են ավստրալական դիաբետի, գիրության և ապրելակերպի ուսումնասիրության տվյալները, որն իրականացվել է 12 տարի: 4000 մասնակից մի քանի անգամ լրացրել են հարցումը, որը գնահատել է նրանց խրոնիկական ցավի մակարդակը 100 բալանոց սանդղակով (0-ն՝ ծանր մարմնական ցավ, իսկ 100-ը՝ բացարձակապես անցավ):

Հետազոտությունը ցույց է տվել, որ հեռուստացույց դիտելու միջին օրական ժամանակի ավելացմանը զուգընթաց՝ ցավն ավելացել է:

Օրինակ, 50 տարեկան մարդկանց համար մարմնի ցավի միջին միավորը սկզբնական փուլում եղել է 77, որը բնական ծերացման հետ մեկտեղ՝ նվազել է տարեկան 0,3 միավորով: Մեկ ժամով հեռուստացույց դիտելու ժամանակի ավելացումը հանգեցրել է ցավի 0,7 միավորով ավելացման։ 2-րդ տիպի շաքարախտով ապրող մարդկանց ցավերի ցուցանիշներն էլ ավելի ցայտուն են եղել:

Գիտնականների կարծիքով՝ այս հարաբերակցությունը կապված է նստակյաց ապրելակերպի հետ։ Ֆիզիկական ակտիվության ավելացումը հիմք է հանդիսանում խրոնիկական առողջական խնդիրների կանխարգելման և բուժման համար։