Ավստրալիայում հսկա փոկը ներխուժել է բենզալցակայան, սակայն տեսել է սեփական արտացոլանքն ու փախել (տեսանյութ)

Ավստրալիայի կուրորտային քաղաքի փողոցում հսկայական փոկը մեծ աղմուկ է բարձրացրել. նա քիչ էր մնացել ջարդուփշուր անի քաղաքի միակ բենզալցակայանը և չէր էլ պատրաստվում գնալ դեպի ջուրը։ Ապշած ականատեսները նկարահանել են կենդանուն և կադրերը տեղադրել Twitter-ում։

Ինչպես գրում է Daily Mail-ը՝ վկայակոչելով դեպքի ականատեսներին, ամեն ինչ տեղի է ունեցել հունվարի 20-ի կեսօրին Ավստրալիայի փոքրիկ կուրորտային քաղաքներից մեկում. կեսօրին տպավորիչ չափերի փոկն ուրախացրել է բնակիչներին իր ներկայությամբ։ Մարդիկ միանգամից ճանաչել են Հենրի անունով փոկին, որը երբեմն դուրս է գալիս ցամաք:

Մինչ ապշած բնակիչները դիտում էին կենդանուն, Հենրին փորձում էր մտնել բենզալցակայան, որը միակն է քաղաքում: Սկզբում նա ցանկացել է կոտրել պատուհանը, բայց երբ տեսել է սեփական արտացոլանքը, վախեցել է ու փախել։ Արդյունքում կենդանիների իրավունքների պաշտպաններին, այնուամենայնիվ, հաջողվել է փոկին տանել դեպի ջուրը։ Մինչ նրանք կենդանուն ուղեկցում էին ափ, փոկը ուրախությամբ կեցվածք էր ընդունում տեղացիների համար: