Իմ մենամարտը դիտելու կգա մոտ 10.000 հանդիսական. Վիկ Դարչինյան

Ռուսաստանում կայանալիք մենամարտին ընդառաջ հայ բռնցքամարտիկ Վաղթանգ Դարչինյանը BoxKO.ru-ին տված հարցազրույցում նշել է, որ եթե մենամարտը կայանա Ռուսաստանում, նրան երկրպագելու կգա 10.000 երկրպագու:

«Հայաստանը մոտ է գտնվում Ռուսաստանին. Մոսկվայում նույնպես շատ են իմ հայրենակիցները: Երբ Ռուսատան եմ գալիս, մենք հաճախ երեկույթներ ենք կազմակերպում, որին ներկա է լինում մոտ 200 մարդ: Այդ պատճառով եթե մարտը կայանա 10.00 հոգանոց մարզադահլիճում, համոզված եմ, որ բոլոր 10.000-ն էլ կերկրպագեն ինձ: Հաշվի առնելով Ռուսաստանում ապրող հայերի թիվը՝ դա ամենաքիչն է, ինչ կարելի է ակնկալել»։ Իսկ այն հարցին, թե մենամարտելու համար արդյոք Դարչինյանն ավելի շատ գումար է պահանջում, քան Գիլերմո Ռիգոնդոն, հայազգի բռնցքամարտիկը պատասխանել է.

«Ես պահանջում եմ այնքան, որքան իրականում արժե մենամարտս: Ժամանակին ես ձեռք եմ բերել հեղինակություն իմ քաշային կարգում, ուստի սա տեղին եմ համարում։ Գիտեմ, որ իմ քաշայինները բավականին լավ հոնորարներ են ստանում, պատճառ չեմ տեսնում, թե ինչու ես ավելի քիչ պետք է վաստակեմ:»