Վրաստանում փախստականները գրավել են բանտային դեպարտամենտի նախկին շենքը
Վերջին լուրեր
Թբիլիսիում մոտավորապես 100 փախստական ներխուժել է Պատժամիջոցների իրականացման դեպարտամենտի նախկին շենք՝ հայտարարելով, որ նրանք ապրելու են այդտեղ, քանի դեռ կառավարությունը չի լուծել իրենց բնակության տարածքների հարցը,հաղորդում է Грузия-Online-ը:
Տեղեկություններ չեն հաղորդվում այն մասին, թե արդյոք նրանց ժամանելու պահին շինությունը դատարկ է եղել, թե այդ պահին այնտեղ դեռ աշխատելիս են եղել որոշ գերատեսչություններ:
Վրաստանում պաշտոնական տվյալներով բնակվում է 260 հազար փախստական Աբխազիայից և Հարավային Օսիայից: Խոսքն այն մարդկանց մասին է, ովքեր լքել են իրենց բնակավայրերը 1990-ական թթ. և հետագայում այս տարածաշրջանում ծայր առած զինված հակամարտությունների արդյուքնում:
Փախստականներին առաջարկվում են այլընտրանքային բնակավայրեր երկրի նահանգներում, սակայն նրանք հրաժարվում են լքել մայրաքաղաքը, պատճառաբանելով, որ կարող են կորցնել իրենց աշխատանքը, իսկ նոր վայրում աշխատանք գտնելը դժվար կլինի:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
