Դարպասի գրավում արձանագրող նոր համակարգերը արտոնագիր են ստացել ՖԻՖԱ-ից

Ինչպես տեղեկացնում է ՖԻՖԱ-ի պաշտոնական կայքը, դարպասի գրավումն ավտոմատ կերպով արձանագրող համակարգեր մատակարարող  GoalRef և Hawk-Eye ընկերությունների հետ արտոնագրված պայմանագիր են կնքել ՖԻՖԱ-ի հետ: Այդ պայմանագիրն ընկերությանը հնարավորություն կտա իր համակարգը կիրառել ամբողջ աշխարհում:

Արտոնագիր ստանալու համար երկու ընկերությունն էլ փորձաքննություն են անցել: Համակարգերը մարզադաշտերում տեղադրելուց հետո դրանք վերջին անգամ փորձաքննության կենթարկվեն` արդյունավետությունը ստուգելու նպատակով: Եթե թեսթերի արդյունքները դրական լինեն, ապա համակարգերը կկիրառվեն պաշտոնական խաղերում: