Այսօր Սոս Սարգյանի ծննդյան օրն է

Այսօր հայ թատերարվեստի և կինոյի նվիրյալ, Համազգային թատրոնի գեղարվեստական ղեկավար անվանի դերասան և ժողովրդական արտիստ Սոս Սարգսյանի ծննդյան օրն է։

Կենդանի լեգենդը ծնվել է 1929 թվականի հոկտեմբերի 24-ին Ստեփանավան քաղաքում: 1948 թ. տեղափոխվել է Երևան և աշխատել Երևանի Պատանի հանդիսատեսի թատրոնում՝ որպես դերասան: 1954թ. ավարտել է Երևանի գեղարվեստաթատերական ինստիտուտի դերասանական ֆակուլտետը: Երկար տարիներ աշխատել է Երևանի Գ.Սունդուկյանի անվան մայր թատրոնում։ 1997-2006թթ. ղեկավարել է Երևանի կինոյի և թատրոնի ինստիտուտը։

Նկարահանվել է քառասունից ավելի գեղարվեստական ֆիլմերում, ինչպիսիք են՝ «Նվագախմբի տղաները»‚ «Եռանկյունի»‚ «Մենք ենք, մեր սարերը», «Նահապետ»‚ «Խաթաբալա», «Ձորի Միրո», «Սոլյարիս», Հայաստանում և ԽՍՀՄ մյուս տարածքում նկարահանված բազմաթիվ այլ ֆիլմերում: Ռուս կինոռեժիսորների նկարահանված ֆիլմերում կերտել է՝ Գիբարյանի (Տարկովսկու «Սոլյարիս»), թափառիկ արտիստի (Վ.Բորտկոյի «Առանց ընտանիքի»), Ֆեոֆան Պրոկոպովիչի (Ա.Պռոշկինի «Միխայլո Լոմոնոսով») դերերը:

Ծննո՛ւնդ շնորհավոր տաղանդաշատ հայորդի, քար առողջություն և լեփ-լեցուն դահլիճներ եմ մաղթում, թող որ անպակաս լինեն հանդիսատեսի ծափողջյուններն ու ընտանեկան ջերմությունը։