Մեր ակումբն այժմ վերելք է ապրում. Հենրիկ Մխիթարյան

Չեմպիոնների լիգայի խմբային փուլի 3-րդ տուրի շրջանակներում կայացած «Շախտյոր»-«Չելսի» խաղից հետո «հանքափորների» առաջատարներից Հենրիկ Մխիթարյանը «Շախտյորի» պաշտոնական կայքին տված հարցազրույցում նշել է.

«Չելսին» լավ թիմ է, բայց, փառք Աստծո, մենք արագ գոլ հեղինակեցինք: Խաղալը ավելի հեշտ ստացվեց: Մրցակցի մոտ ի հայտ եկան ազատ գոտիներ, ու մենք կարողացանք լավ պահեր ստեղծել: Ցավալի է, որ չկարողացանք օգտագործել լավ պահերը: Կարևորը հաղթեցինք։

- Սիտիպվա՞ծ էիք ավելի ջանք գործադրել, վազել։

- Այո՛։ Սա Ուկրաինայի առաջնությունը չէ։ Լիգայում պետք է արագ տեղաշարժվել, փակել գոտիները, արագ գրոհներ կազմակերպել։ Այստեղ թույլ մրցակիցներ չեն լինում։ Բոլոր ակումբներն ուժեղ են։ Պետք է իմանալ՝ ինչպես պաշտպանվել և հարձակվել։ Գիտակցում էինք, որ հեշտ չի լինելու և ամեն ինչ անում էինք հաղթելու համար։

- Կարելի՞ է ասել, որ մի փոքր զգուշանում էիք «Չելսիից»։

- Չեմ կարող նման բան ասել։ Մեր ակումբն այժմ վերելք է ապրում և այդպես պետք է շարունակել։ Դեռ ոչինչ ավարտված չէ։ Մենք դեռ երկար պետք է աշխատենք։

- Երբ բաց թողեցիք գոլը, մտավախություն առաջացա՞վ, որ կարող եք բաց թողնել հաղթանակը։
- Նման բան չի եղել։ Մենք լավ խաղացինք ամբողջ ընթացքում։ Շատ հանգիստ և հավասարակշռված։ 

- 15 հարված Պետեր Չեխի դարպասին, դա ֆենոմենալ արդյունք է։ Հարց է առաջանում՝ ինչպե՞ս գոլ խփել։

-Երկու անգամ խփեցինք չէ (ծիծաղում է)։ Կարող էինք և ավելին։ Սա ֆուտբոլ է։ Հնարավոր չէ բոլոր պահերն օգտագործել,-Մխիթարյանի խոսքերը մեջբերում է «Շախտյորի» պաշտոնական կայքը։