Մարտը տևեց 3 ժամ. ԼՂՀ ՊԲ-ն ջախջախեց թշնամուն (լուսանկարներ)

Վերջերս հանրապետության զինված ուժերի զորամիավորումների, միավորումների, զորամասերի և ստորաբաժանումների մասնակցությամբ անցկացված ռազմավարական հրամանատարաշտաբային զորախաղերի շրջանակում հոկտեմբերի 15-ից 23-ը պաշտպանության բանակի կենտրոնական ենթակայության զորամասերի հետ կազմակերպվեց մարտական հրաձգությամբ մարտավարական զորավարժություն: Երեկ' հոկտեմբերի 23-ին, բանակի «Տիգրանակերտ» զորավարժարանում տեղի ունեցավ զորավարժության գլխավոր՝ մարտական հրաձգության փուլը, որին հետևում էին երկու հայկական հանրապետությունների զինված ուժերի գերագույն գլխավոր հրամանատարները, պաշտպանության նախարարներն ու բարձրաստիճան զինվորականներ: Հինգ փուլից բաղկացած համաբանակային նշանակության միջոցառումը նպատակ ուներ պաշտպանողական և հակահարձակողական մարտերի խաղարկման ընթացքում ստուգել զորամասերի և ստորաբաժանումների մարտական պատրաստության բարձր աստիճանների բերման պլանների իրատեսությունը, մարտի տարբեր տեսակներում կատարելագործել զորամասերի գործողությունների մարտական ներդաշնակությունը, բարձրացնել հրամանատարների և շտաբների գործնական ունակությունները և որ շատ կարևոր է, անձնակազմի մոտ ձևավորել բարձր մարտական ու բարոյակամային հատկանիշներ:

Հանրապետության զինված ուժերի համար զորավարժությունն աննախադեպ էր ոչ միայն նրանում ընդգրկված ուժերի և միջոցների անհամեմատ մեծ ծավալներով, այլև դրանց ներդաշնակ կիրառման արդյունավետությամբ և մարտական պատրաստության ուղղությամբ ցուցաբերած կոլեկտիվ և անհատական բարձր ունակություններով:

Պայմանական մարտը տեւեց 3 ժամ, ԼՂՀ ՊԲ-ն ջախջախեց թշնամուն:

Լուսանկարները՝ հետք.am-ի