Մեր հաղթանակը արձագանք չստացավ Սպորտի նախարարության կողմից. «Միկա»-ի տնօրեն

Երևանի «Միկա» ակումբի տնօրեն, Հայաստանի շախմատի ֆեդերացիայի փոխնախագահ Աշոտ Վարդապետյանը տարօրինակ է համարել, որ Սպորտի նախարարության կանոնակարգում գրված է, որ ակումբային նվաճումները չեն արժանանում խրախուսանքների և հավելեց. «Ստացվում է` մեր բարձր արդյունքները խանգարում են մեզ խրախուսվել»:

«Տարօրինակ է, որ մեր հաղթանակն արձագանք չստացավ մասնավորապես Սպորտի նախարարության կողմից: Մենք հետևում ենք թողել այնպիսի ուժեղ մրցակցի, ինչպիսին է «Ուգրա» ակումբը»,- նկատում է ակումբի տնօրենը:

Աշոտ Վարդապետյանը ցավով նշում է, որ քաղաքապետարանի շախմատային հիմնական ծրագրերը ոչ պրոֆեսիոնալ դաշտում են, բայց մինչ օրս քաղաքապետարանը պրոֆեսիոնալ միջոցառումներ կազմակերպելու ցանկություն չի հայտնել: 

«Ակումբային շախմատը Հայաստանում դեռ զարգացած չէ, ինչի ուղղությամբ Հայաստանի շախմատի ֆեդերացիան ու մի շարք մարզական կազմակերպություններ այդ ուղղությամբ պետք է լրջորեն զբաղվեն»:

«Տղամարդկանց «Միկա» թիմը Եվրոպայի ակումբային առաջնությանը չի մասնակցել ֆինանսական սղության պատճառով»,-ասաց Վարդապետյանը, հավելելով, որ բացի ֆինանսական միջոցների հետ կապված խնդիրներից՝ Համաշխարհային օլիմպիադայից հետո  շախմատիստները գերհոգնած էին և լավ մարզավիճակում չէին»:

Բանախոսը նշեց նաև, որ  Էյլթայում «Միկա»-ի կանանց թիմը հրաշալի խաղ ցուցադրեց և շատ լավ մարզավիճակում էր:  

Նշենք, որ «Միկա»-ի կանանց թիմը Եվրոպայի ակումբային առաջնությանը նվաճեց արծաթե մեդալ: