Կոչ ՀԱԿ-ին՝ RESTART եղե՛ք, կամ ո՛ւժ գտեք ու հայտարարե՛ք, որ ՀԱԿ չկա

Իրավաբան Ալեն Սիմոնյանը Facebook սոցցանցի իր էջում գրել է.

«ՀԱԿ-ն այսօր մեծ խնդիր ունի, որպես քաղաքական ուժ նա կորցրել է իր ժամանակին եղած ժողովրդի համակրանքը: Միակ մրցունակ թեկնածուն՝ Լևոն Տեր-Պետրոսյանն այսօր մրցունակ է միայն ՀԱԿ-ի մեջ: Դրան նպաստեց, թե ժամանակը, թե ինքնաքննադատությունից զուրկ քաղաքականությունը: Այսօր նույնիսկ նույն ՀԱԿ-ում այնքան վստահ չեն վաղվա օրվա մեջ, որ քննարկվում է Հրանտ Բագրատյանին, որպես նախագահի թեկնածու սատարելը կամ նույնիսկ ԲՀԿ թեկնածուին սատարելը: Կա նաև կարծիք, որ ԲՀԿ-ն կպաշտպանի ՀԱԿ թեկնածուին, սա ավելի քան իրականությունից հեռու լինել է՝ քաղաքական ուժի համար:

Ցավում եմ, որպես մարդ ,որ շատ շատերի հետ կանգնած եմ եղել փողոցում՝ կրակոցների ու պետական մեքենայի դեմ, ցավում եմ չօգտագործված շանսի համար, որը տրվեց փետրվարի 26-ին և մարտի 1 -ին: Ցավում եմ, որ հիմա իշխանությունը վերցնելու միակ հնարավորությունն մնացել է «նախկին» իշխանության մի մասի հետ համատեղ գործելը: Ես գիտեմ, որ շատ բացասական արձագանքներ կլինեն այս իմ մտքերին՝ հենց ՀԱԿ-ից, բայց չէ որ ժողովրդավարությունն է այն ինչի բոլորս ձգտում ենք փողոցում կանգնած, խոսքի ազատությունը և ձայնին տեր կանգնելը: Ես իմ ձայնը տվել եմ ՀԱԿ-ին և հիմա ուզում եմ իմ ընտրած ուժին ասել նորից իմաստավորեք անցյալը և RESTART եղեք, կամ ուժ գտեք հայտարարեք, որ ՀԱԿ չկա»: