Իվանիշվիլի. 2008-ի պատերազմը սադրել էր Սաակաշվիլին
Վերջին լուրեր
2008-ի պատերազմը սադրել են Միխայիլ Սաակաշվին և նրա համախոհները. Interfax-ի տեղեկությունների համաձայն՝ այս մասին հայտարարել է Վրաստանի ապագա վարչապետ Բիձինա Իվանիշվիլին։
«Այդ մեծ սադրանքը ծրագրվել էր ձեր գլխավոր հրամանատարի և ձեր կողմից: Դրա մասին ասված է Տալյավինիի (Հայդի Տալյավինի. 2008-ի օգոստոսի ռազմական գործողությունների փաստերի հաստատման միջազգային քննչական խմբի ղեկավար) զեկույցում: Դա ընդունում են ամերիկացիները և բոլոր եվրոպացիները: Այդ գործընթացները կարող էին տեղի չունենալ, եթե ունենայինք նորմալ ղեկավարություն»,- մասնավորապես ասել է Իվանիշվիլին:
Ըստ Իվանիշվիլիի՝ Ռուսաստանի՝ «Կովկասյան լեռնաշղթան անցնելու» դարավոր ցանկությունն իրականություն դարձավ Սաակաշվիլիի շնորհիվ:
Նա նշել է նաև, որ չի կարող խոստանալ, թե «Ռուսաստանի հետ հարաբերությունները կկարգավորվեն վաղը կամ վաղը չէ մյուս օրը»:
Հիշեցնենք, որ 2008-ի օգոստոսին հնգօրյա պատերազմ էր տեղի ունեցել Վրաստանի և Ռուսաստանի միջև, ինչի ավարտին Ռուսաստանը ճանաչել էր Վրաստանի ինքնավար մարզերի՝ Աբխազիայի և Հարավային Օսիայի անկախությունը: Վրաստանն ի պատասխան խզել էր դիվանագիտական կապերը Ռուսաստանի հետ:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
