Բերմունդյան եռանկյունում ստորջրյա քաղաք է հայտնաբերվել (տեսանյութ)

Գիտնականներ Փոլ Վայցվեգի և Պալինա Զալիցկու գլխավորությամբ կանադացի օվկիանոսախույզների խումբը ստորջրյա քաղաք է հայտնաբերել Բերմունդյան եռանկյունում:

Ըստ գիտնականների՝ վերջերս հատուկ ռոբոտ-սարքավորման միջոցով ստացված ջրի հատակի լուսանկարները ցույց են տալիս, որ առեղծվածային եռանկյունու տարածքում չորս բուրգ կա, որոնցից մեկը, հավանաբար, ապակուց է: Քաղաքի կառուցվածքը հիշեցնում է հին լատինաամերիկյան Թեոթիուականի քաղաքակրթության յուրահատուկ ոճն ու դասավորվածությունը:

Peru Punto.com լրատվամիջոցի տեղեկությունների համաձայն՝ ստացված լուսանկարներում կարելի է տեսնել ոչ միայն ջրի տակն անցած հնագույն քաղաքի բուրգերը, այլև սֆինքսանման մի արձան և բազմաթիվ մոնոլիտային շինություններ, որոնց պատերին պարզ երևում են տարբեր տեսակի փորագրություններ։