Հանդիպում՝ կոնֆերանսի շրջանակներում
Վերջին լուրեր
Հոկտեմբերի 24-ին Ինդոնեզիայի Ջակարտա քաղաքում ընթացող Աղետների Ռիսկի նվազեցման 5-րդ Ասիական կոնֆերանսի շրջանակներում տեղի է ունեցել ՄԱԿ-ի աղետների նվազեցման միջազգային ռազմավարության (UNISDR) Աղետների ռիսկի նվազեցման գլխավոր քարտուղարության մշտական ներկայացուցիչ Մարգարետա Վալսթորմի և ԱՌՆ ազգային պլատֆորմի տնօրեն Մովսես Պողոսյանի հանդիպումը։
ԱՌՆ ազգային պլատֆորմի տնօրենը շնորհակալություն է հայտնել կազմակերպված կոնֆերանսին մասնակցելու հրավերի և այն բարձր մակարդակով կազմակերպելու համար։
Հանդիպմանը Մ. Պողոսյանը տիկին Վալսթորմին հակիրճ ներկայացրել է Հայաստանի Հանրապետության և, մասնավորապես, արտակարգ իրավիճակների նախարարության վերջին տարիների ձեռքբերումներն աղետների ռիսկի նվազեցման ոլորտում: ՄԱԿ-ի աղետների նվազեցման միջազգային ռազմավարության ներկայացուցչի հետ քննարկվել են նաև հետագա համագործակցության վերաբերյալ հարցեր, այդ թվում՝ Հյոգոյի գործողությունների ծրագրի ապագա զարգացումների և տիկին Վալսթրոմի Հայաստան հնարավոր այցելության հարցը:
Մարգարետա Վալսթրոմը նշել է, որ տպավորված է վերջին տարիներին ԱՌՆ բնագավառում Հայաստանի ձեռքբերումներով և հնարավորության դեպքում սիրով կայցելի Հայաստան՝ անմիջականորեն ծանոթանալու մեր նվաճումներին:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
